Başbûg derbarê operasyonên li dijî PKK’ê pêk hatine û yên ku tên plankirin wê pêk werin de ev agahî dan; “Bêyî destûr û alîkariya DYA’yê li dijî PKK’ê ne mumkin e ku operasyon pêk werin. Her wekî ku tê zanîn Qendîl her dem wekî nîrê nava rojê tê temaşekirin jî bêbingeh e. ev yek ne bi awayekî fîzîkî mumkin, ne bi awayekî teknîkî. Rewşa hewayê jî her dem ji bo vê yekê ne pêkan e. Wekî ku di raya giştî de tê zanîn nîn e, Qendîl her dem nayê çavdêrkirin. Ev yek bi hejmara Heronan û balafirên bê mirov ve girêdayî ye, ev derfetê me jî nîn e.”
Başbûg jî wekî hemû serbazên Tirkan, piştî ku teqawit bû wekî libên tizbiyê mukirhatin li pey hev rêz kir û got; “Her dem şert û merc di lehê PKK’ê de çêbûne. Lewma jî rêxistineke gelekî bi şens e.”

‘Serkeftina li dij PKK’ê ne mumkun e’ 


Başbûg piştî teqawitbûna xwe dest bi lomeyan kir û tiştên k udi serbazî û serfermandariya wî de pêk nehatibû wekî hêvî dîsa got,”Divê Kurd pişta xwe bidin PKK’ê yan ne ne mumkin e em li hember PKK’ê bi ser bikevin. Heta ku Kurd li dijî PKK’ê serî hilnedin serketina Tirkiyeyê ne pêkan e, ev yek aşîkar e.”

ANF/ENQERE