Wan de serra 2011 de bi şîddetê 7,5 û 5,6 de 2 zelzeleyî virazîyayî. Her çiqas ke zelzele ser ro hende wext vîyarto zî birînê waniijan nêameyî girewtiş.
Şarê Wanî zelzele de zaf çîyî xo vînî kerdî. Mexdurê ke keyeyê xo berdî awanîyê Îdareyê Awanîyê Komkî (TOKÎ) bi afateko bîn reyde rî bi rî mendî. Dewlete bin nameyê ‘şîyayeyo hempar’ de welatîjan ra pere wazena. Zelzele ser ro 7 serrî vîyartî, la mexdurî nêeşkenî heqê awanîyan bidî. Dewlete bin nameyê hetkarîye de awanîyan viraşte la dima ra mexduran ra pereyêko zaf waşte. Mexdurî seba ke deyndar nêbî keyeyê xo roşenî.
Hetkarî nêdana
Welatîjê ke zelzele ra dima TOKÎyê dewlete de bîyî mexdur, qisey kerdî û zehmetîyê ke ewja de ancenî, ardî ziwan: “Pereyê ke yeno waştiş nîmeyê meaşê asgarî yo û ganî ma her aşmî pere bidî. Labelê îmkanê ma çin o. Xora dewlete zî wazena ke ma pere nêdî û dima ra aye dest rona keyayan ser de.“
Welatîjan hayr antî ranto ke TOKÎ keno ser û enê zonayişan day: “Viraştişê awanîyê TOKÎ de 30 hezar TL pereyê dewlete şîyo. Labelê bi 70 hezar TLyî rotî mexduran. Zelzele de merdimê ma, keyeyê ma, ganê ma û sewbîna her çîyê ma destê ma ra şîyî. Ser de zî dewlete dana ma ro. Ma nêeşkenî fatureyanê xo daxî bîdî.”
ŞÛJIN/WAN