Emser 1ê Gulane bi îxraçkerdiş û tayînkerdişê qayûman derbaz beno. Kedkarê ke gureyê xo ra ameyî îxraçkerdiş do çalakîyê 1ê Gulane de bêrî têhet û heqê xo biqîrî. Karkeran ra Cemal Yildirimo ke bi Qerarnameyê Hukmê Qanûnî (KHK) ameybî îxraçkerdiş, 48 rojî yo ke vera cayê karî de kewto çalakîya roniştişî.
Babete ser o Cemal Yildirimo ke Mudirîya Muhasebe ya Derfterdarîya Wezîrî ya Malîye ra ameybî îxraçkerdiş qisey kerd.
Ancax bi xoverdayîş beno
Yildirimî wina va: “Hukmat bi îxraçkerdişan nêreseno hedefê xo. Ma vera îqtîdaro ke heqê merdiman û huqûq nêşinasneno de kewtî çalakî. Reaksîyonê ma bîyî sebebê îxraçkerdişan. Eke reaksîyonî çinêbî do hêrişî hîna gird bibî. Ma do vera hêrişan de payan ser de bibî û 1ê Gulane de taxan de bibî. Ma ancax bi xoverdayîş eşkenî qezenç bikî.”