Hemserokê Şûbeyê SES Ramazan Kavalî lajê xo bi "Çerxa Şoreşî” oxir kerd.
Cenazeya Tûfan Amedî badê 5 aşman şewa verî berdîya Amedî û defin bî. Merasîma definkerdişî de malbata Kavalî ra pîya, parlementerê HDP Feleknas Uca û Sîbel Yîgîtalp, Hemşaredarê Sûka Pîl yê Amedî Firat Anli, Meclîsê Mayanê Haştî, temsîlkarê DBP û îdarekarê MEYADER ra pîya bi seyan welatijî tewr bî. Cenazeya Kavalî ser doşanê pî û birayê ci de, bi sloganê “Ey şehît gonîya to erdî de nêmanena” berdîya ser mezelî. Bado ke cenaze defin bî, pîyê Kavalî Ramazan Kavalî 'Çerxa Şoreşî’ wend.
‘Seba ciwîyayişeke bi rûmet’
Hemserokê Şûbeyê MEYADER yê Amedî Hasan Pençe merasîm de qisey kerd û da zonayen ke çar koşeyan ra verra kurdan qetlîamî virazîyenê. Pençe vist vîrî ke gencê kurd seba ciwîyayişeke bi rûmet xover danê. Pîyê Tûfanî Ramazan Kavalî zî aşkere kerd ke înan lajê xo embazanê ci het ra girotî û ardî embazanê ci yê Amedî het de kerdî meyman. Kavalî da zonayen ke 5 aşmîyo ê pey cenazeya lajê xo de yê. Kavalî vist vîrî ke şehîdê ke kewtî dê nîrê vîrkerdiş.
Badê qiseyan maya Baran Kavalî Hawa Kaval gulê ke pîya berdî ronay ser mezelê lajê xo. Seba Kavalî zîyaretê serweşî Keyeyê Aza yê Hezroyîyan de qebûl benê.
DÎHA /AMED