Beyannameyê HDPê ser sazîyê elewîyê qise kerdî. Sereka PSAKD a Îzmîrî Elîf Bakir destnîşan kerd ke HDP di beyannameyê xo de elewîyan nêzdîbîyeşeke dîrokî nîşan dayo, elewîyan ra wayîr ameyo vejyayiş û wina vat: “Taybetê seba ma elewîyan, bi zorîdayişê dersî dînî hewanayiş muhîm o, hewna hewanayişê Serekeya Karananê Dîyanetî zaf bi muhîm o. Di zaf hûmarîy de temsîlkarê sazîyê elewîyê seba çareserîyê HDPê ra bîyê namzed, do ma bi bawerî ke bi HDPê pirsgirêkê elewîyan çareser bibî.”
Wazenê asîmîle bikerî
Serekê Komeleya Elewî Bektaşî ya Narlidereyê Mustafa Aslan zî aşkera kerd ke seba demokrasîya Tirkîyayê HDPê zaf bi muhîm o, di beyannameyê HDPê de heme waştişê şaran ca girewtbî. Ewropa û Tirkîyayê di zaf hûmarîy de sazîyê elewîyê di bi konê HDPê de cayê xo girewtî. Ez bawera ke bi hetkarîya elewîyan do HDP bendê bivîyaro. Bi hêzdayişê şaran êdî bendê weçînayişî bîyo pasîf. Do 8 hezîranî de heme şaran sersibeyê ra bi coş û heydanî de biwardî. Taybetê seba elewîyan hewanayişê bi zorîdayişê dersê dînî û Serekeya Karananê Dîyanetî zaf bi muhîm o. Çimkî Dîyanet domananê ma asîmîle kena, eke no sazî mîyanê ra wedarîyo do no demî asîmîlebîyîşê elewîyan do mîyanê ra wedarîyo.”
HDPê omid xulq kerd
Hewna sereka şaxa Ulukent a Komeleya Kultir û Rayîrê Elewîtîyî Malîk Yuksekol zî ciresna ke HDP seba dorûverê demokrat û sosyalîstî projeyeke xulq kerd, çi heyfo ke hetanê nika elewîyan xo ra dûr partîyan ra hetkarî dayî, ê bawerî ke do HDP vengê elewîyan bibo û êdî elewîyan nêwazenî domananê înan asîmîle bibî.
DÎHA/ÎZMÎR