Vizêr 20 welatijê ke dewoka Mehlê ke girêdayê dewa Kerwas a de waştî şirê heremê pirodayişî, adirî tefînê û vernîya merdişan bigîrê. La tîmanê teybet û eskeran welatijan vindernay û îşkence kerdî. Netîceyê îşkenceyan de welatijo bi nameyê Erdal Kocakaya ke pîyê 4 domanan o û gencê 24 serrî Mewlut Kocakaya qetilkerdî.
Kiştî û resîm antî
Goreyê vatenanê şahîdan Erdal û Mewlut Kocakaya cîya kerdî. Kincê ci cira vetî, serreyê ci dekerdî awî mîyan û îşkence kerdî. Hurdî kesî netîceyê îşkence de weşîya xo kerdî vinî. Peycoy tîmanê teybet û eskeran linga xo nay serreyê kesê ke amey qetilkerden pa û bi telefonan resîm antî.
Heto bîn ra rêxistinê HDP û DBP yê Licê dûştê operasyon û êrişan qerarê her şan de nûmayişê roniştişî girotî. Ewro ra tepya mavêna seatanê 18.00-23.00î de ver bana HDP yê qeza de nûmayişê ronişten virazîyeno. DBP û HDP venga tewrbîyenê nûmayişan da.
AMED