Endamê Komîteya Rayverî ya PKKî Murat Karayilan û hemserekeya Konseya Rayverîya KCKî rojdemî kurdan Vaşûrî ra tepa antişê kurdan ard, no rojdemî ra zî di Vaşûrî de heme dorûveran elaqayeke gird mojnay, çimkî heme dorûveran meraq kenî ke eke PKK xo tepa bionca, no demî di Vaşûrî de çi bibo? Karayilan û hemserekeya Konseya Rayverî ya KCKî zî aşkera kerd bike qet nêzdîbîyîşê rayedarê PDKî verba gerîlayî nîno qebulkerdiş.
Ma persî qey Şengal, Kerkuk û Mexmûr ra PKK şî? Şîyîş çi îfade kena? Armancê PKK di Vaşûrî de çîyo? No gamê PKK di şarê Kurdistanî de senî averşîyîşan xelq kerd, PKK seba şarê Rojhîlatê Mîyanênî çi îfade kena?
Bîlançoya Şerî
3 tebax 2014’ê de çeteyê DAIŞî, şarê êzidî ra di Şengale de hêriş kerd, peynîya nê hêrişan 5 hezar êzidî ame kiştiş û 5 hezar kênayê êzidî zî ame remnayiş. Çi heyfo ke PDK bêpawiyayişê Şengalî teslîmê çeteyê DAIŞî kerd la verba hêrişê çeteyê DAIŞî YPG seba pawiyayişê ame Şengalî û êzidîyan xelisna. HPG zî aşkera xo ya bîlonçaya şerî vatbî; hêrişê çeteyê DAIŞî ra nika 45 gerîlayê HPG û 13 şerwanê YBŞ cuyayişê xo dayî.
Vaşûrî ra ameyişê gerîla tena babeta lejkerî nê, di heme hokeya komelî û sîyasî de tesîrê gird viraşt, bi ameyişê gerîla heme şarê Rojhîlatê Mîyanê vîna ke bi cuyayişê azad û zeypê de yena cuyayiş.
PKK pawiyayişê heme şaran xo ra zey yew wezîfe vîna. Bi ameyişê gerîla di êzidîyan de bedilyayişêkê gird xelq bî, bi xoverodayişê Şengalî bi hezaran êzidî terteleyê ra amey xelisnayiş. Bi na têkoşînî zî Meclîsê Êzidî û YBŞ ame xelqkerdiş û zîra nê averşîyîşan di dîroka êzidîyan de yewin bîynî.
Bi vîyartişê PKK ya Kurdistanê Vaşûrî sifteyin verba çeteyê DAIŞî bi hembarê hêzê kurd têkoşîn dayî, na rewş zî seba kurdistanija bî çimeyanê omidî.
Bi no averşîyîşê êdî her kes fikrîya ke kurdan di mîyanê yewîtî ya newewe ya kurd de hêzê xo hembar xelq bikerî. Bi no rayîrî zî êdî kurdan letebîyîşî ra bixelisyaynî. Şarê Vaşûr û PKK bîyê yew parçe û şarê Vaşûrî êdî hîna weş PKKî ra fam kerdî, çimkî hêzê DAIŞî ya guya nêameynê têkberdiş, verba gerîlayê PKKî têk şîyî.
PDKî ra bawerî çin o
Serkewtbîyîşê gerîlayê PKK ser şarê Kurdistanê Vaşûrî yewîtîya komele û neteweye ra hîna nêz bîyê. Çimkî di Kurdistanê Vaşûrî de beşdarbîyîşê demokratîk çin o û heme kontrol zî destê partî û şexsan de yo. Êdî bi ameyişê PKK şarê Vaşûrî verba îqtîdarê PDKî têgerîyenî û no ser zî PKK seba îqtîdarê xo qerqezîyena û do ameyoxê de hîna tesîrê PKKî di Kurdistanê Vaşûrî de bêro vînayiş.