Sîbel verê xo çarna Kobanê
Badê vengdayişê ‘tewrê şoreşê Rojawa bibê, veng bidê vengê Kobanê’ yê MLKP, Sîbel Bûlût verê xo da Kobanê û tewrê cepheyê pawiten bî. Sîbel a ke 16ê Cotmeng 2014î de, tewrê xoverdayişê Kobanê bî, niya va: “Kobanê het de ca girotiş, wezîfeyê pêrokîn mordemanê rimetîn o. Yê ke wayrê wijdanî yê, gerek şarê Kobanê het de ca bigîrê.” Sîbel 12ê Kanûne 2014î de, xoverdayişê cepheyê başûr yê Kobanê de weşiya xo kerd vinî.
Maya Sibel, Zekîye Bûlût ana zon ke, çêna ay zaf cesûr bî û aşkere kerd ke, mi Sîbel vinî kerd, la bi hezaran domanê mi estê. Bûlût hayr ant vatişanê ‘Kobanê kewno’ yê Erdogan’î ser û va, Kobanê nêkewt, ê domanî vera tanq û topanê DAIŞ xoverday, û înan peyser eştî. Dayak Zekîye Bûlût ard zon ke, eke Sîbel nika cuwyabiya, do Cizîr, Sîlopî û Sûr de biya û niya qisey kerd: “Ayî alwozê xo nîmeyê ray de nîverda. A nika rihê xoverdayiş yê cepheyanê Sûr, Cizîr û Sîlopî de cuwyena.
Xoverdayişê Kurdan do serkewo
Alwozê tekoşîn yê Sîbel Ekber Kaya’yî zî vist vîrî ke, Sîbel wextê cengê biyayiş û nêbiyayiş yê Kobanê de, bi rihê fedaîyane şehît kewt. Tekoşîna ke vera tanq û topan amê dayen, nika Sûr û Cizîr de ramena. Kaya va, eke ewro, diyîn qûwetê gird yê NATO, raştê xoverdayişê 50. rojî yenose, alwozê Sîbel û Arînan dê serkewê.
‘Bi rihê Kobanê tekoşîn bikerê’
Ekber Kaya’yî ard ziwan ke, Sîbel bawer kerd ke, heta ke şarê Kurd azad nêbo, şarê bînî yê Tirkiye û Rojhelata Miyanî zî azad nêbenê û niya va: “Eke ewro Arîn û Sîbelan nêbiyaybî, Kobanê do sernêkewtiba. Şehadetê înan Erdogan’î nêresna miradê xo. Erdogan ewro hewl dano, heyfê Kobanê, Pirsûs û Enqera de bigîro. Kaya vist vîrî ke, Sîbel û Arînî rayverê xoverdayişê Kurdistanî yê û va, gune herkes bi rihê înan tekoşîn bikero.
DÎHA/DERSIM