Kirşehîr de nezdiyê 10 hezar kesî tewrê mîtîngê HDP bî û partiyê bînî şaş û maş kerdî.Hevserok Selahattîn Demîrtaş mîtîngê meydanê Cacabey de qisey kerd û eleqe ant muhîmînê weçînayinê 7’ê Hezîrani ser.
Demîrtaş’î sernî de bi sebebê eleqeyê girdî kêfweşînê xo ard ziwan û spasê heme welatijanê Kirşehîr kerd.Demîrtaş’î vist vîrî ki komkiştenê Soma sera jû serr ravêrda, la belê hewna mesûlî nêameyê cezakerdin û sozê perskerdinê hesabê heme komkiştenan ard ziwan. Demîrtaş‘î eleqe ant sextekarîn, zûrkerîn û talankarînê AKP ser û vat: “Bi serkewtinê HDP”ya 8’ê hezîrano bibo roşanê şaran û baweriyanê Tirkiye.”
Wexto ki Demîrtaş’î qiseyê xo qedînay, jû koma nezdiyê 150 kesî, bi siyan êrişê HDPijan kerd. Polîsê verî êrişkarî temaşe kerdî, senî ki HDPijan cewab da, cayê êrişkaran de, êrişê HDPijan kerd.
Yuksekdag: AKP’a lincî de bifetiyo
Hevserok Fîgen Yuksekdag jî Ûşak de tewrê mîtîngê xo bî û eleqe ant provokasyonanê AKP ser. Yuksekdag vat ki, AKP semedê verniyê HDP bigiro, siyasetê lîmin visto dewre, êriş û provokasyonan organîze kena. Yuksekdag ard ziwan ki bi serkewtinê HDP’a şar û baweriyê Tirkiyeyê qezenc kenê û wina vat: Êrişê 56 buroyanê ma kerd. Bi êrişan wazenê verniyê ma bigirê. La belê nêşenê. Mayê Ûşak de jî, Denîzlî de jî û cayanê bînan jî xebatanê xo biramê. Mayê bi ser bikewê û şarê qezenc bikirê. AKP bi siyasetê lîmina kewta lincî miyan û AKP’a lincî miyan de bifetisiyo.
Mîtîngê Ûşak jî, zey cayanê bînan bi siloganêna Bijî Serok Apo û govendana qediya.
DÎHA/KIRŞEHÎR/UŞAK