Hemseroka Konseyê Rayverîn ê KCK Besê Xozat ke ANF rê qisey kerd eleqa ant muhîmîya berzkerdişê tekoşînî ser.
Xozad vernî de eleqa ant tecrîdê giran ê Rayverê şarê Kurd Abdullah Ocalan'î ser û vat: “Tecrîd yew qefleyê planê qirkerdişî yê bloka faşîst ê AKP-MHP yo. Rayver Apo semedê demokratîkbîyayişê Tirkîya tekoşîn keno. Coka partiya faşîst, ê tek merdimî AKP bê şik Rayver Apo kerdo hedefê xo. Ê ke haştî û serbestiyê wazene gerek vera tecrîdî tekoşîn bikerî.“
Besê Xozat qerarê parlamentoyê Awrûpa zî vist vîrî û vat: “Faşîzmê AKP- MHP ke sînor nêsarisnena Tirkîye û Awrûpa ardê vera yew bîn. Tirkîye bi macîran Ewrûpa tehdît kerd û waşte ke paşt bidî faşîzmê ci. La Awrûpa goş nêda tehdîdan û demê muzakerayan cemidna. Na gameke mûhîm a. No qerarî ra dima qalkedişê Erdoganî bedilya. Eke Awrûpa vera faşîzmê Tirkîye vengê xo berz bikero, Tirkîye xo ana pêser.“ Xozat veng da şarê Kurd û çormeyanê demokratîk û waşt ke vera faşîzmê AKP-MHP vengê berz bikerî.
Hozat vist vîrî ke demokrasî û serbestiyê bê tekoşîn qezenc nêbenê û wina va: “Hemşaredarîyê DBP, çapamenîya demokratîk, saziyê sivîl, hemserokî, parlamenterî, rojnamevan, akademisyen, şoreşgerî semedê şarê ma erciyaye yî. Nînan re wahar nêvecîyayîş, biyayîşê xo re wahar nêvecîyayişo. Tirkiye û Kurdistan de gerek peroyê kuçeyî û meydanê açarnîye cayê tekoşînî. Gerek şarî bi teyqê xo ya zaliman bifetisnî.
ANF / BEHDÎNAN