Erzîncanî dergeya qalkerdişê xo de bal ant qala aştî serdestîy senî xebitnenêy û wina vat: “Goreya hêzêy serdestan, aştî fereseteke yew welat, yew netew, yew ziwan û yew al o. Hewl danêy ke no fereseta xo ya şaş bi heme kesan biderêy qebûlkerdişî. Goreya înan eke waşteya înan pêk bêro aştî do pêk bêro. Bi no ferasetî aştî nîno holî. Qebûlkerdişê fikrê bi no hawayî teslîmîyet o. No feraset aştî nîyo. Feraseta ke heme kesan ra teslîmîyetî ferz keno aştî nîyo û nîno qebûlkerdişî.”
Haştî zon û renganê xo yo
Besê Erzîncan qalkerdişê xo wina dewam kerd û ard vîr ke aştî semedê ma bîyayişê ma û aramî yo û wina vat: “Aştî semedê ma mafêy ma cenîyan girotiş û aramî de cuyayiş o. Aştî xopawiyayişê cenîyan o. Yanê aştî goreya qîmet û nirxêy Xoserîya Demokratîk ameyê awankerdiş û yenêy meydanî yê. Aştî o yo ke her netew bi ziwanê xo, rengê xo, cuyayişê xo qisekerdişê xo ekolojîya xo bicuyo yo. Xorayîrberî qebûlkerdişê pîmitişê xorayîraberdişî yo. Warvejyayişê paradîgmayê xo û nirxêy xo azadî bi xo yo.”
Cenî cewherê aştî yê
Erzîncan nîşan kerd ke xebatêy aştîyî xebatêy pîroz êy û wina dewamî da: “Heta ke azadî pêk nêro aştî pêk nîno. Heta ke ma azadîyî nêgerêy xo dest do feraseta xoverdayişê ma no esasî ser de dewam bikero. Heta ke serdestîy fam nêkêy ke serkewtiş nê têk şîyê ey demî de aştî do bêro meydanî. No zî do bi serkewtişê ma aştîwazan bibo.”
Dergeya qalkerdişê Erzîncanî de Erzîncanî bal ant aştî û cenî ser û wina vat: “Aştîyî de cenî bi her hawayî pêşengteyî kena ya. Cenî esasê azadî û aştîyî yê. Heta ke cenî aktîf nêbêy aştî û azadî zî nîno. No zî yeno no mana ke heta ke cenî xo biher hawayî nêderêy xoverdayişî se aştî zî nîno.”
Erzînganî peynîya qalkerdişê xo de wina vat û qedîna: “Lazimo ke ma semedê aştîyî hewna zaf xebat bikerimê. Ferzo kem a xo hewna zêd bi rayvistiş û jûbîyayişê xo weş û geş bikerêy. Çimkî aştîya bi rûmet do pê serkêşeya cenîyan do bêro û bivejyo holî.”
ANF/BEHDÎNAN