Na aşm de avzelîya ziwanê ser o xebat yenî kerdiş, seba ke domanan bi ziwanê dayîke perwerde bibivînê têkoşîn yeno dayiş la vera ci zî qedexe û cezakerdişê dewlete zî domyenê. Babete ser Hemsereka Egîtîm Senî ya Amedî Hatîce Efe qise kerd.
Hatîce Efe vat ke kesêk bi ziwanê dayîka xo Dinya reyde têkîlî rono bi serkewte yo û wina vat: “Taybetî ma rasteyê perwerdeyî ra biewnê doman qabîlîyetê xo yê yewine bi ziwanê dayîka xo aver beno. Çi heyfo ke demo tewro krîtîk domanî sewbî ziwanî musenê. Na rewş zî nasnameyê xo nîşînasnayişê domanî ra beno semed. Domanî ra tesîrê tramatîk keno û no travma zî hetanî peynîya cuyeya merdimî ra tesîr keno. Bajarê Kurdî de no ser rasteyê perwerde nêserkewtbîyayiş hîna bi zaf ê. Çimkî domanê Kurdî bi zorî tirkî musenê.” Hatîce Efe dîyar kerd ke çi heyfo bi ziwanê dayîke perwerde qet polîtîkayê dewlete nêbî û wina domna: “Bi KHKî kurs û kreşî ke bi têkoşînê şarî ameybî akerdiş, heme nika qefelnayeyî. Dewlete bi dersê weçînaye de na mesele ra nêzd bena. Hetanî nika 56 mamoste ameyî tayînkerdiş. Netewê Mîyanêneteweyî behs kena ke Tirkîya de 18 ziwanê do biqedîyê, nê ziwanan Suryankî, Rumkî û Zazakî yê. Dewlet mecbura ke nê ziwanan bida cuyayiş.”
JINNEWS/AMED