15ê temuze teşebusê derbe ra nata reya dîyin a ke rewşa îstîsnayî (OHAL) yena dergkerdiş. Îlankerdişê OHALî ra dima xeylê neheqî û bêhuqûqîyî ameybî cuyayîş. Hetê Wezaretîya Edaletî ra bîlançoya 6 aşman yê OHALî ameye aşkerekerdiş. Goreyê bîlanço; 15ê temuze ra nata pêro pîya 204 kesî merdî, 41 kesî ameyî tewqîfkerdiş û derheqê 122 hezar kesan de tehqîqat dîyayo destpêkerdiş. Mîyanê kesê ke ameyî tewqîfkerdiş de 12 parlamenterê HDP û 69 hemserekê Şaredarîyanê DBPyî zî estî.
Xeylê teqayîşî
Reyna goreyê bîlanço 87 hezar kesî karî ra îxraç bîyî, 35 kesî zî karî ra ameyî dûrîvistiş. Bîlanço de yeno vatiş ke mîyanê nê 6 aşman de Çewlig, Xarpêt, Dîlok, Şirnex, Yenîbosna, Amed, Colemêrg, Mêrdîn, Edene, Beşîktaş, Kayserî û Ortakoy de hêrişê bombeyî virazîyayî.
Bîlanço de hûmara sazîyê çapemenîye ke ameyî padayîş zî ameya aşkerekerdiş. Goreyê bîlanço 177 sazîyî ameyî padayîş û nizdîy3e 2 hezar û 500 rojnamegerî bêkar mendî, 144 rojnamegerî zî tewqîf bîyî û karta çapemenîye ya 780 kesan ameyo betalkerdiş.Reyna mîyanê nê 6 aşman de 104 weqfî û 1125 komeleyî ameyî padayîş.
AMED