Dewleta tirkî nizdîyê 2 serran hêrişê qezaya Sûrî ya Amedî kerde û netîceyê hêrişan de 8 taxê qezaya Sûrî ke hesaban ra girîyaybî bin kontrolê UNESCO, temamê înan ameyî rijnayene. Tena taxê ke tede hêrişî virazîyayî nê, warê ke qet tede şer nêbî zî daxilê nê cayan ameyî kerdiş û ê warî zî ameyî rijnayene. Taxa ke binê bedenan de manena zî nê taxan ra yewe ya. Domanê ke bananê binê bedenan de roniştênê, mîyanê xirabeyanê bananê xo de gêrenî û seke xeyal û domanîya xo bigêrî, wina bidîqet binê enkazî ra ewnîyenî. Herçiqas ke domanî mecbûr mendî ewja ra bivejyî zî, mîyanê roje de vera xo danî aye taxe û vejîyenî bedenanê Amedî ser û ancax wina boya înan vejîyena. Çimkî her vaş kokê xo ser o keske beno.
FOTO/XEBERE: EMRAH KELEKÇÎER