Serra 2015î de Dozgerê Komare Mehmet Selîm Kîraz odeya xo de ameybî kiştiş, no hedîseyî ra Mustafa Koçakî ra cezaya muebbetî ame dayiş. Peynîya dayişê cezaye Koçak bi waştişê ‘Dariznayişo bi edelet’ dest pê greva vêşanî kerd. Roja 90ine ra Koçak greva xo bedilna greva mergî ra û çalakîya ey kewt roja 251ine ra.
Rewşa birayê xo ser o wakîla Mustafa Koçakî, Sevgul Koçak qise kerd û vat ke kîloyê birayê ey nika kewto 33 kîloyî ra û wina vat: “Mistafa wina zeyîf bîyo ke êdî nêeşkeno rayîrî ra şîro, taybetî qisekerdişî ra persgirik anceno. Pola çepê ey de kungbîyayiş dest pê kerdo, pola çepê xo hîs nêkeno. Goşê çepê ey nêgoşterineno. Rewşa ey qet weş nîyo.”
Ma ra xo helal kerd
Koçak destnîşan kerd ke hetanî nika nêzdîbîyayişê rayberîya hepisxaneyî ra bedilnayişêk nêbî, birayê ey newe dest pê girewtişê dermanê B1î kerdo û wina domna: “Eke tehlîye nêbo do rewşa ci hîna bi giranêr bibo. Seba giranîya rewşa xo, ma ra xo helal kerd. Ma sey malbatê ey, TTB û TÎHVî ra doktorêk wazenî la rayberîya hepisxaneyî qebul nêkeno. Mustafa zî doktorê revîrî ra xo nîno dermankerdiş.”
MA/STENBOL