Semedo ke dewlete bi nasnameya ‘ebînan’ ewnîya welatijêy kurdêy elewî 1995 adar 12 de bi destê kontrgerîlayan 17 elewî qetil kerdîy. 20 serr qirkerdişî serî ra ravêray la tu encam nîyame girotiş. Pwt. Gulîzar Tuncerî ard vîr ke talûke esto ke ‘birîna sîya’ yanê qetilkerdişê Gazî semedê demravêrayo ra dosya ci bêro betalkerdiş. Serra 1995 adar 12’î de dewlete bi hêza xo ya kontrogerîlayî Stenbolî de herîşê taxa Gazî kerd û encamî de 17 elewî amey qirkerdiş. Gazî de 4 kahwexane, yew pastaxane bi destê kesêy faîlî mechûl amey gulevarnayişî. Sifte kalê elewî Halîl Kaya ame qetilkerdiş û encam resa 17 kesan. No zî bes nêbi bi seyan merdimîy bi derbêy polês û lejkeran amey birîndarkerdiş û zafêr nêşîy nêwexaneyan. Her çiqas dawa ame akerdiş se zî heta ewro gamek nîyameyo eştiş û hezêy tarî heme serbest geyrenêy. Qirkerdişê Gazî zî zey; Dêrsim, Zîlan, Koçgirî, Sewas û Roboskî tarîxa Tirkiyayî de zey ‘Birîneke Siya’ medêy û mezgê merdiman de ca girotêy.
Qirkerdiş Rewna Esto
Pwt. Gulîsar Tuncer mijara huqûqa dawayî ser de qise kerd û ard ziwan: “Kalê elewî bi nîşan ame qetilkerdiş. Ey demî de kewtiş û vejyayişê taxî her tim binçiman de bi. Ser mediman û keyan ameyê viraştiş. Mamelaya xirab, îşkence bi hawayeke sîstematîk bîyê. Qereqola Gazî namdar bi. Zaf rojan çalakî ameynê viraştiş. Qirkerdişê elewîyê kurd verînay o esto.”
Dozgerî Bêqanûnî Kerd
Tuncerî ard vîr ke lazimbi ke dozger polêsan ra dawa akero şarî ra dawa akerd û wina dewam kerd: “Pawitoxîy bi muvelîlêy xo de pêvînayiş kerdîy û ardîy ziwan ke dozgerî mexdûrî kerdo keso bi guman. Dozgerî persa sifte de vato; ‘ti zî oca de bîy? Merdimê sivîl kerdo hureynîya sûcdar û semedo ke şarî zirar dayo malê dewletî ra dawa ameyo akerdiş. Bi ney hawayî zî belîyo ke tikey tikeyan pawitîy.”
Delîlan Tarî Kerdîy
Dergeya qisey Tuncerî de merdimîy bi zaneyî amey qetilkerdiş vejya û wina dewam kerd: “Destê polêsan de çekêy lûle dergin û nîşanê şarê sivîl girotêy û gule reşnayê. Keso ke şîyê ardima birîndarî ser de zî gule varnay. Heme delîlîy guleyan aşkera yê. Dozger zî zano. Çimkî ma bi xo dozger berd oca.Semedo ke polêsan delîl arêdayê hewldanê înan delîlan tarî bikê estbi.” Tuncer: “Encama qirkedişî de 17 kesîy amey qirkerdiş. Dozgerî 7 kesêy ke merdê ra zî dawa akerd. Derheqê 20 polêsan de 7 merdiş û 5 birîndarkerdişî ra dawa akerd. Peynî de polêsêy bi nameyê Adem Albayrak û Mehmet Gundogan amey cezakerdiş. Yên bîn serbest vera day. Cezayeke şenik day û tikey polêsan û nefîmudahayî ra hemeyan serbest vera day.”
Demravêrayeyî Esto
Pawitox Tuncer herî peynî veng da şaran ke heme kesîy hayîdar bibêy ke dosya Gazî beno ke demravêrayî ra bêro girotiş û wina qedîna: “Dosyayî de dawayê ke amey akerdiş heme çimboyax bikêy ra amey akerdiş. Ma semedo ke dosya meyro girotiş, Tansû Çîler, Necdet Menzîr û Hayrî Kozakçioglu ra dawa akerd. Vînayişê dawayî de bi hawayê çimboyaxkerkde daraznayiş bi. Dad nêwaşt ke dawakaran bigoşdarno ra dosya girot. Heme kes zano ke Gazî kamî viraşt. Tu çîyê bê ceza nîyo.”
DÎHA/STENBOL