5ê Nîsan Roja Pawitoxanê Dinya bi. Baroyê Dersim kî bi wesîleyê roj Serokê verên yê Baro Tahîr Elçî ke ame kişten vîrard. Baro yî mewkîyê Mûnzûr yê taxa Alî Baba de Birrê Haştî yê Elçî kerd a.
Pawitoxan darî karitî, peycoy damustayîn day. Serokê Baro yê Dersim Ozgur Ûlaş Kaplan’î vist vîrî ke înan rîwalê 5ê Nîsan birrê haştî kerdî a. Kaplan’î vist vîrî ke nika şîdet hikmê siyaset kena û ard ziwan ke rîwalo ke Tahîr Elçî yî serva haştî weşîya xo kerd vinî înan ser nameyê eyî ‘birrê haştî’ ronayê.
‘Vengê haştî kenime berz’
Kaplan’î îxlalê heq û biyayişê antîdemokratîkî vist vîrî û hayr ant mudaxaleyê dadgehî ser û da zonayen ke kesê ke tewr jor deyê ewro mudaxaleyê qeraranê mahkemeyan kenê, mudaxaleyê dadgehî kenê.
Ozgur Ûlaş Kaplan’î hayr ant muhîmiya ageyrayişê mase yê çarekerdişî ser û şaran ra waşt ke seweta verîgirewtişê merdişan vengê xo hona jêde berz bikerê. Kaplan’î va, na cografya de 40 serriyo vîniya ke bi merdişan çarekerdiş nêbeno û niya dewam kerd: “Bi hezaran însanan na ray de weşiya xo kerdî vindî. Sermiyanê ke tewr corê dewlet de yê hona kî qîrayişê herbî kenê, hona kî zonê herbî şixulnenê. Ma dê bi israr behsê haştî bikerê û her firsetî de vengê haştî berz bikerê”. Badê damustayin tabelaya ‘Birrê Haştî yê Tahîr Elçî” aliqya.
DÎHA/DERSIM