Dinya hina korr korr bi ewno AKP, dewleta Tirk û R.T. Erdogan’î dê zaf komkiştişan bivîno.
Ma dinya nêzana, AKP û dewleta tirkî seba ke şarê kurdî azad nêbo, Kurdistana Azad nêroniyo, çi destê înan de bîyero dê ey bikerê. Ma dinya nêzana, AKP û dewleta tirkî, seba ke hembere şarê kurdî şer bikero DAÎŞ rêxistin û warî kerdo. Ma dinya nêzana, esas Xelîfeyê DAÎŞ’î Erdogan o. Ma dinya nêzana, heta ke R.T.Erdogan ferman nêdo, çeteyên DAÎŞ’ê hêrîşe cayêk nêkenê. Ma dinya nêzana, Ewropa de çiqasî camîyê girêdayî AKP û dewlete tirkî estî, çeteyê DAÎŞ rêxistin kenî. Ma dinya nêzana, AKP û dewleta tirkî nêbê, DAÎŞ zî nêben o. Ma dinya nêzana, çend rojî verê cû Erdoganê hedef musna û ferman da va wa çeteyî hêrîşê xeyme kurdî bikerênê.
Ma dinya nêzana, verê çimê pêronê parlementeranê Ewropa, çeteyê Erdoganî xeyme (kon) şarê kurdî veşna. Ma dinya nêzana, Erdoganî çend rojî verê cû va ke, ê Bruksel de bombê biteqenê. Ma dinya qey kerr, korr û lal û ehmeq a! Ma dinya û Ewropa nêzana hetanê AKP, dewleta tirk û Erdoganê ra xelas nêbê, dinya qeza û belayan ra xelas nêbena. Ma dinya û Ewropa nêzana hetanê şarê kurd azad nêbo û Kurdistana Azad awan nêbo, ê qeza û belayê ke Erdogan anê sere dinya û Ewropa ê dewam bikerênê. Ma dinya û Ewropa nêzana, YPG yew çeteyê DAIŞ yo bi nameyê ‘Savaş Yildiz’ tepişto. Çeteyê DAÎŞ’ê AKP û dewleta tirk Savaş Yildizî heme çi eşkera kerdo. Vano, AKP û MÎT DAÎŞ rêxistin kenê. Vano, hêrîşê Grê Spî dewleta tirkî plan kerd. Vano, hêrîşê Adana û Mersîn mi bi fermanê MÎT’î kerdî. Vano, Enteb seba/qey DAÎŞ’î Reqqa ra muhîmtirî yo. Vano, Şîyayîş ameyîşê çeteyê DAÎŞ hema hema pêro Enteb ra beno. Vano, DAÎŞ û MÎT tim û tim pîya kombîyayîşan virazênê. Ma Ewropa nê çîyan nêvînena! Ma Ewropa çira xo kena kerr, korr û lal. Bi kerr, korr û lalî eşkena hetanê ça/kotî şêro! Bi kerr, korr û lalî kam hebî qeza û belayî qedîyayê! Bi kerr, korr û lalî qeza û belayê hîna zêde benî. Hîna kiştiş û vîranê zêde benî.
Ewropa çiqasî xo kerr, korr û lal bikero, AKP, dewlete tirk û Erdoganî ewqasî şêrênê ser sere Ewropa. Ewropa çiqasî xo kerr, korr û lal bikero, ser ra zî 6 mîlyar pere bido dewleta tirkî, dewlete tirkî hîna har bibo, hîna zêde hêrîşê Ewropa û dinya bikero. Seba ke hîna zêde pere bigero ê hina bikero. Hetanê AKP û dewlete tirkî ser rîyê erdî de bimano, dê çîyê hina bibê. Tena yew xelasî esta. Gera Ewropa destega ke dana AKP û dewlete tirkî tepîya/peyser bianco.