Hewteyê Kulturê Kurdan yê Brukselî yo 6. vizêr rasteyê Brouckere ra heta rasteyê Espagneyî bi rayraşîyayîşêk dest pêkerd. Rayraşîyayîşî de bi hawayêkê tradîsyonkîyî veyveyê Kurdan ame pêramotene. Cinîyan bi kincanê xo yê tradîsyonelan bale ante xo ser. Meydanê Espagneyî yê aktîvîteyan de yewe çadira mîyêne ke kulturê wareyî temsîl kena, ameye ronayene, maketê awanîyanê tarîxîyan ê Kurdîstanî ameyî ramotene, standê werdê Kurdan û kitaban û seba konseran sehneyêk ameyî ronayene.
Hewteyê Kulturî yo ke do çar rojî bêro dewamkerdene, roja Çarşeme awanîya KNKyî de bi resepsîyonêk amebi destpêkerdene. Aktîvîteyan de do konserî, atolyeyî hunerê dengeban û pêramotişê folklorî û fîlman bibê.
ANF / BRUKSEL