M. Alî Altindag serrê 90’î de mîyanê Hîzbulkontra û JÎTEMe ke verba PKKe ameybî awankerdiş de, rolêko aktîf girewt û zaf hûmarî de qetilkerdişê kurdê welatperwerî se ro zî talîmat da. M. Alî Altindag peynîya 25 serrî hewna mîyanê eynî pratîkî de yo. 

Altindag nika zî Erdogano faşîst û AKPe ke Kurdistan de şerê lêmin dayî destpêkerdiş rol girewto serê xo û eynî Altindag hem mabenê Hîzbulkontra û AKPe de zî rolê mîyankarî kay keno hem zî Altindag Sûr de dîroka ser de viraştişê qeraqolan de ca wazeno bigo. 

Dijberê Darbeya Faşîstî ya Lejkerê 1980’î de Tevgerê Azadî ya Kurd/PKK bi rayvistişê muazzam û xoverdayîşî xo newe ra awan kerd û dijî vatişê ‘do biqedînî’ rikî reyde sempatîya mîlyonan qezenc kerd la verba xoverdayîşê PKKe de heme şaristanê Tirkîya û Kurdistanî de bi destûr dewlete zey Hîzbulkontra û JÎTEMe awanîyê çeteyî ameyî awankerdiş û kerdişê nê awanîyê çeteyî zî hema zî vîra şarê kurdî de yo. Goreyê vengûvajê lekolin.orgî ra Rençber Şirzatî nê awanîya taybetî yê JÎTEM û Hîzbulkontra, arizî de verba PKKe de bîyî la pêroyî de verba kamî û qezencîya kurdan de ameybî sazkerdiş û no zî her kes zanaynî. 

Kerdişê nê çeteyan êdî vîra merdiman de ca girewto, çimkî nê çeteyan binê nameyê dînî de ciwanan kerdî çeteyê DAIŞ, Hîzbulkontra. 


Kesê verênan zanenî

Nê kerdişê nê çeteyan ra kesî ke rayberî û serçeteyî kenî estî. Serrê 90’î de rayvistişo kontra ‘Hîzbullah’ ra M. Alî Altindag hem serçeteyî hem hetkarîya pereyî hem perwerdeyê kadro hem zî rayberî kerd. 

Verba Tevgerê Azadî yê Kurdî de, M. Alî Altindag mîyanê pratîkê lêminî de ca girewt, bi talîmatê M. Alî Altindagî bi desan kesî ameyî qetilkerdiş û çalakîyê provokasyonî ameyî viraştiş. Rîyê M. Alî Altindagî ser o Kurdistan de bi seyan welatperwerî cuya xo vînî kerdî. 


Bêstatumendiş ser o newe rayvistişan awan kerd

Kurdistano Vakur de bi hêzbîyayîşê PKKe û deşîfrebîyayîşê pratîkê lêminî yê dewleta xorîn ser o rayapêroyîyê neteweyî û mîyanneteweyî de cînayetê nê çeteyê îxanetkarî deşîfre bîyî û nê çeteyî zî zey rayvistişê qetilî rîpelê dîroke de vînî bîyî. M. Alî Altindag tasfîyebîyayîşê Hîzbulkontra ser o zî kewt mîyanê newe newe gêrayîşan. M. Alî Altindag demo vîyarte de bi kerdişê tetîkkeşî, bi akerdişê kargeh û kanalê TVyî debara xo çiqas zî bikero, bêstatumendiş ey sewqê newe yew awankerdişê rayvistişî kerd. Çiqas xebat kerd zî la nêeşkîya bi hetkarîya dewlete newe yew rayvistiş saz bikero û no ser zî o zî zereyê dewlete de xo ra waşt rolêk bigêro. 

M. Alî Altindag demo hembarbîyayîşê Cemaetê Gulanî û AKPe ya Erdoganî de xo ra cakerdiş Cemaetê Gulenî û Cemaetê Nurî nêz bî. Cemaet û AKPe ra Kurdistan de polîtîkayê înan caardişê ser o zî soz da û M. Alî Altindagî ra zî ame waştiş ke rolêko ci ra ame dayîş, goreyê rolê xo kay bikero. M. Alî Altindag demo vîyarte de kesî ke xebatê kontra kerdbî, hêrsnêbîyayîşan nê kontrayan ser xo zey Cemaetê Nurî vîyarto nîşan da. Heme xebatê xo de zî na kamîya ver vejîna. 

Têkilîyê Cemaet û AKPe yê bazirganî, sîyasî û komelî, M. Alî Altindagî reyde hetanê verê ravêreyeya 17 û 25’ê Kanûne domya. 

Mîyanê ravêreye de M. Alî Altindag demo ke vîna Erdogan, Cemaet têk beno no demî hetê AKPe de safê xo dîyar kerd. M. Alî Altindag zey yew bukalemun, hemkar verê Ravêreyeya Çareserî û peynîya Ravêreyeya Çareserî de rolêko îxanetkar girewt serê xo û nê provokasyonan de rol girewt; 

* Ravêreyeya çareserî û muzakere de provokasyonê Hîzbulkontrayî.

* Serehewanayîşê 6-8’ê Citmenge de hêrişê kontrayî û tetîkkeşî.

* 24’dê temmuze 2015 de şero ke AKP û Erdoganî dayê destpêkerdişî de mabenê AKP û Hîzbulkontrayî de rolê mîyankarî.

* Weçînayîşê 1’ê Teşrîne de Huda-Parijan (Hîzbulkontra) rayê xo AKPe ra bidî xebata taybet.


Zey cor de zaf mîsyonê M. Alî Altindagî estî

Eyro Kurdistan de şero AKP û Erdoganî ser o şaristanan ameyî talan, wêran û çinkerdiş. Şaristanê Kurdistanî de binê nameyê ‘ewleyî’ de viraştişê qeraqolon domyenî. M. Alî Altindag bi şîrketê xo ÎNTÎMe veng da AKPijan ke o zî seba înşaetan hadre yo. 

Belkî serrê 90’î nika M. Alî Altindag mîyanê xebatê îxanet û mîyankarî de ca girewto la M. Alî Altindag hema zî demo vîyarte ra ders nêveto. M. Alî Altindag û zey ci kesî zanenî zey mendîlî bêrî şuxilnayîş û peynî zî yew çopî ra bêrî eştiş la çira neyarîya şarî kenî, çira dijî şarê xo wazenî zîynîyetê dewlet û dewletperestî bişuxilnî, semedê ci çîyo?

Kerdişê xo yê demo vîyarte ser o tersê hesabdayîşî cuyeno ya zî xora şexsîyetê ci de esto?

Her çik aşkera werteyî de yo, serekkomar Erdogan û AKPe mîyanê demê kilmî de cayê xo bîdonê çopî de bivînî. No yeno zanayîş la hema zî eynî pratîk yeno domnayîş û hesabê ci zî do goreyê ci bêro kerdiş. Kesî ke dijî şarî neyarî kerdî do mecburî ke şarî ra hesab bidî.


 NAVENDA XEBERAN