Alîkar Doç. Dr. Eda Erdener, Zangehê Çewlig de, beşê Îlahiyat de mualimî kena. Erdener zî îmze eşt zanedanê ‘ma nêbenê piyakarê sûcê şima’ yê akademîsyenan. Peycoy derheqê Erdener de, hetê îdareyê Fakûlteyê Îlahîyat cipersyayin ame akerdin. Azayanê Komeleya Wendekaranê Çewlig BUO-DER, bi jû nûmayiş cipersyayiş protesto kerd û paşt day mûalima xo.
Ma zî no sûcî kenê
Nezdiyê 300 wendekarê BUO-DER ver kafeteryaya zangeh ra, heta Fakûlteyê Îlahiyat ray şî.
Nûmayiş de panqartê ‘eke protestokerdişê qetlîaman sûc o se, ma zî no sûcî kenê’ û ‘mualim Eda rûmeta ma ya’ akerdî. Wendekaran damustayin day û aşkere kerdî ke, Erdener tenya niya û ê zey wendekarî, mualima xo het de yê. Wendekaran vist vîrî ke, akademîsyenan û mualima înan vengdayişê vinderdişê însanan û ronayişê aştî dayo. Wendekaran cipersyayişê îdareyê zangehî protesto kerd û waştî ke, cipersyayen peyser bîro antiş.
ÇEWLIG