Çalakîya roniştişî ke vera xespbîyayîşê şaredarîyan û tayînbîyayîşê qayûman de bajarê Amedî de dewam kena, 19ê Tebaxe ra nata dewam kena. 15 rojî yo ke amedijî Cadeyê Lîse yê qezaya Yenîşehîrî de çalakîye de yî.
Çalakgêrî bi silogananê ‘Amed yê ma yo’, ‘Ma do bi xoverdayîşî qezenç bikerî’, ‘Vera qayûman de pîya têkoşîn’ û sewbîna eştî. Parlamenterê HDPyî yê Ayşe Acar Başarane, Remzîye Tosûne, Salîha Aydenîze, Feleknas Ûca, Dersîm Dage, Semra Guzele, Hişyar Ozsoy beşdarê çalakîye bîyî. Reyna Dayîkê Aştîye, temsîlkarê Partîya Sosyalîste ya Bindestan (ESP) û aktîvîstanê Tevgerê Cinîyanê Azadan zî çalakîye de cayê xo girewt. Çalakîye bi cinitişê fîtikan, vatişê deyîran û siloganan dest pêkerde. Cinîyî bi pankarto ke ser o ‘Cinî cuye azadî’ nuştêne beşdarê çalakîye bîyî.
AMED