Ambargoyo ke Kampa Mexmûrî ser o esto zî 57 rojî yo ke dewam keno. Herçiqas ke xeylê muracatî ameyî kerdene zî PDK, hukmat û parlamento seba wedarnayîşê ambargoyî çîyêk nêkerdo. Dayîkê Aştîye yê Mexmûrî seba ke ambargoyo ke Kampa Mexmûrî ser o esto bêro wedarnayene, çalakîya roniştişî daybî destpêkerdene. Çalakîya dayîkan 12 rojî yo ke nuqtaya kontrolî ya Asayîşê PDKyî de dewam kena. Dayîkî mîyanê 12 rojan de çend reyî raştê heqaret û hêrişanê pêşmergeyan ameyî. Dayîkê ke nuqtaya kontrolî de çalakîya xo domnenî, germ û serd, şewe û roje nêvanî çalakîya xo domnenî. Hêzê asayîşî destûr nêdanî ke ti kes dayîkan zîyaret bikero. Çalakîye de 2 rojî verê dayîkan ra Şerbet Salihe wedarîyaye nêweşxane. Tedawîya Şerbet Salihe dewam kena.

ROJNEWS / MEXMÛR