Roja dişeme vernîya Komîteya Vernîgirewtişê Îşkenceyî (CPT) de çalakîyêk dîyaybî destpêkerdiş. Çalakîye seba ke CPT bi hawayo lezabez şêro Îmrali û derheqê Ocalanî de pêvînayîş bikero, dîyaybî destpêkerdiş.
Çalakîye roja 4. de bi beşdarbîyayîşê bi seyan kesan dewam kena. Çalakî de Parlamenterê Goranî Dr. Şergo Hema Emîn û Hemserekê Kongra-Gelî Remzî Kartalî derheqê averşîyayîşanê peyênan de cewab dayî persê beşdarvanan. Reyna çalakgeran mîyanê roje de şîyî vernîya Konseyê Ewropa û derheqê azadîya Ocalanî de waştişê azadîye qîrayî.
Ser nameyê Konfederasyonê Koçberanê Bindestan yê Ewropa Şafak Arabaci zî çalakîye de qisey kerd û wina va: “Şarê kurd bi desan serran o ke xover dano û hema vaje her keye de şehîdêkî esto. Bitaybetî ma têkoşînê cinîyanê kurdan rê wayîr vejîyenî. Do têkoşînê ma yo ortax dewam bikero. Ma hêvî kenî ke do demêko nizdî de derheqê weşîya Ocalanî de melumatêkî bigîrî. Ganî heme şorişger û demokratî bi hawayo ortax têkoşîn bidî.”
Bi desan hunermend û dezgehî beşdar bîyî
Çalakîye de bi desan dezgehê kurdan, Başûrê Kurdistanî ra parlamenterê YNK û Goranî beşdar bîyî. Çalakîye de sere de KONGRA –GEL, KCDK-E, TJK-E, NAV-DEM û sewbîna bi seyan dezgehî ca girewtî. Reyna Endamê Heyetê Îmrali Hatîp Dîcle, Parlamenterê HDPyî Tugba Hezere, Faysal Sariyildiz û sewbîna bi seyan kesî beşdar bîyî. Çalakîye heta ke netîceyêkî bêro girewtiş do bidomîyo.
ANF/STRASBOURG