Embaza Sonay serkewtişê Kobanê ra dima verê xo dana hetê Sûrê Amedî ra. Embaza Sonay bi tifingê xo no Zaxrosî ra pîya kewena xorayberdişê esasîya xoverodayîşê Sûrî. Embaza Sonay xoverodayîşê xorayverdişê Sûrî de bi hetê şarî, bi nameyê efsaneyî ra yena sinasnayîş. Şarî mîyanî de her wext vatê yew kênêka canika şeneke esta nişkavera kewna raşteyan tifingê xo girde ra panzera polêsan tar û mar kena. Eynî wextî de zî çapemenîya tirkan mahşetê xo ra seba Sonay vatê; “Kanasçı Roza; Sirp bir sniper Sur’da”.
Sonay ageyra dewa xo Yukari Boyaci
Embaza Sonay her wext bi destanê xo no xoverodayîşî de ters eştbi mîyanê zerda dişmenî. Sonay tewr peynî de zî hewayê embazanê xo nê bînan ra Sûr de aşma sibatî de kewena kerwanê şehadetan û di aşmî ra pey encex cenazeyê testê DNA kenê û badî zî cenazeyê Sonaye Edlî Tipê Dîlokî ra gênê û dewa Yukari Boyaci ke Meletî ra girêdeya defin kerde û merasîma cenazeyê Sonay konvoyan ra bi rewşa girdî ra, marşî û slogan ra, raywan kerde welatê cinnetî.
Heme çî ra muqadesî bî
Embaza Sonay min bi xo Amed de 2006 de bi xebatkarê Ozgur Halkî ra sinasna. Embaza Sonay eynî hewayê embazê Engîn Guvenî wirdî zî xebatkarê Ozgur Halkî bî û tewr fedakar embazî bî. Embaza Sonay her wext eynî hewayê yew kadroyê esasî xebata xo na esasî kerdê. Embaza Sonay xebata ya heme çî ra girde bî û muqadesî bî. Embaza Sona her nimajê tarî ra variştê çanteyê xono manî kerdê mildê xo û hewayê teyr û mîrçike kuçeyê Amedî ra gêraynê. Çanteyê embaza Sonay hindike giran bi milê ci de fitiq vejîya bi. Labelê qet yew wext embaza Sonay hetê têkoşîna rêxistinî veranêday. Embaza Sonay bi hetê komelê sosyalî ra şarî mîyanî de yew cayê taybetî tepîşena. Embaza Sonay Amed de adeta keyê şarî warê xo kerd bî. Amed de heme kesî rewşa embaza Sonay zaf rind sinasnanê.
Rayvera dewijan
Sonay bişîynê kamcî keye o keye de şênayî viraştê, bişîynê kamik (kamcî) keye o keye de kolektîfî bîynê. No warî de dewa Yukari Boyaci de merdimê Sonay û dewejanê Sonay wexto ke behsê Sonay kerdê vatê; “Dewa ma de bi raya verênî ra hetê sîyasetî ra û hetê komelê sosyalî ra Sonay rayverê dewijanê ma bî.” Bi raya verên ra ya linga feodalî şikite û bi tena ser xo dewe ra şîynê şaristanê Meletî. Kekoyê Sonay vatê: “Sonay keyê xo de odeyê xo bi xususî resmanê PKK ra xemilnena û heme embazanê xo nê odeyê xususî de dawet kena û nê hewa rewşe ra zaf kêfweş bena.
2006 de embaza Sonay Engîn û embazê Engîn Guven wirdî zî pîya xebatkarê Kovarê Ozgur Halkî bî, bi taybetî nê wirdî embazê ciwanî bî. Wirdî zî fedekar cesûr û zaf durustî bî.
Heqê bawerîya xo bide
Malbatê embazê Engîn Guvenî (Berxwedan Jîyan) serranê 1990’î de Bîtlîs ra koçê şaristanê Bursa kenî. Embazo Engîn Guven bi keye ra yew tek laj o. Engîn bi cuyayîşê xo de şertê mercê welatê xerîban de qet rehet nîyo. Heme çî eyrê şaş yeno. O zî vano ke ez mecbur nîya ke nê şert û mercan qebûl bikera. Embazo Engîn Guven Kovarê Ozgur Halkî de xebata xo keno. Bi can û ruhî ra xebata xo keno.
Bawkalê ey ra derê yew qala şîretî mezgê ey de mendî bî. Bawkalê ey ti (ci) ra vatbi ke; tornê min eke ti yew roje yew çî ra zaf bawerey bikerê se gerek ti tam heqê ey bawerey bidê ti qet cuyayişê xo tawîz nêdê. Engîn Guvenî zî nê qala şîretê bawkalê xo goşê xo de goşare keno. Embazo Engîn Guven semeda Tecrîtê Rayberê Şarê Kurdî Abdullah Ocalanî ser o biqefilîyo, afîşan panoyan ra leqneno û ayo hinde zî yeno tepiştiş. Engîn ke aqilê ci Kovarî de maneno, eynî roj de hepis ra nunerê kovarî ra yew faqsi eşraweno.
Cayê min koyê Kurdistanî yê
Embazo Guven hema zahf ciwan bi, la hewayê yew mêrdimî pîlî û zanayeyî hareket kerdê. Ey bi zafey ra her wext şarî mîyanî de bi xebata rêxistina pratîkî kerdê. Taxî, kuçeyî her wext binê linganê eyî de bî. Her wext rîyê ey huyaynê bi fedekareya ey durusteya ey ra her kesî embazê Guvenî ra zaf hes kerdê û bawerey kerdê. Embazo Engîn hînê biryarê xono taybetî da vake hînê cayê min koyê Kurdistanî yê. Şaristanê mi rê hinî teng yenê. Heyana xuyê min zî nêbedilîyo, ez şora koyê azadîyan. Hînê a roj ra pey min Guven nêde. Tewr peynî de zî ma şahedeta embazê Guvenî hesîyay pê. Guven û yew embazê xo pîya qezaya Agirî, Dîyadîn de kewtî şadeta kerwanê şehîdan.
ZAZA CEBELÎ