Çapemenîya AKP kurdan xo ra hedef girewta

Babete ser endama Komîsyonê Heqê Cenîyan a ÎHDe pwt. Hatîce Demîr vat ke çi heyf ke nika dijî kurdan şuxulnayişê bêmermatî yenî kerdiş, nê hêrişan de zî rolê çapemenîya AKP zafo, çimkî nê hêrişan şaş mojnena.

Demîr aşkera kerd ke hukimatê AKP waştişê kurdan a xorayîrberdiş şarê tirk ra şaş nişan da û zey letebîyîş mojna û nika Kurdistan de rewşa îstîsnaye yeno şuxulnayiş û wina vat: “Cayeke qedexe amey kerdiş, nê cayan de heqê welatijan ciresayiş qedexe yo. Ê seba na babete şîrketê GSM reyde pêvînayiş kerdî û înan ra qet agahîyek raşt nêameyo dayîş. Bi aşkera dijî kurdan mekanîgê darbeye amey şuxulnayiş û waştî na darbeye zî dinyaye ra binimnî. Çi heyf ke çapemenîya tirk rolê xo lêmin na nuqteye de weş kay kena.”