Keyeyanê Rayverê Şarê Kurd Abdullah Ocalanî ke derheqê 18. serragêra Komployê 15ê Sibatî de qisey kerdî vistî vîrî ke teslîmkerdişê Ocalanî û ramitişê tecrîdî meseleyanê Tirkîye xorîner kerd. Wareza yê Ocalanî Alî Ocalanî aşkere kerd ke çarekerdiş Ocalanî het de yo û waştena serbest verdayişê ci kerd.
Wareza yê Rayverê Şarê Kurd Abdullah Ocalanî Alî Ocalanî ard vîrî ke Ocalan bi serrano nêşkeno bi pawitoxanê xo ra pêdiyayiş virazo û aşkere kerd ke bi Komployê Mîyanneteweyî teslîmkerdişê Ocalanî seba Tirkîye bi xo ra meseleyanê demokratîkbîyayiş û meseleya kurd zehmetir kerd.
Ocalanî aşkere kerd ke eke xalê ci Ocalan teber de bîya do meseleyî hendayî xorîn nêbiyayba û wina dewam kerd: “Bado ke dewlet Rayverî hesîr girewt, vernîya çareserî zî amê girewtiş. O ke Tirkîye kaosî ra bixelesno û perspektîfan pêşkêş bikero, tenya Ocalan o.”
‘Mavêna şaran de pirdek o
Alî Ocalanî vist vîrî ke 18. serragêra Komployê 15ê Sibatî de rewşa Tirkîye her ke şina xiravîn bena û waşt ke tecrîdo ke wextekê derg o rameno wedarîyo. Alî Ocalanî aşkere kerd ke pêdiyayişê malbat û pawitoxan heqê mordemî ya xozayî ya û dîyar kerd ke eke tecrîd bîro wedarnayiş do Ocalan bişero perspektîfeke ke ray vernîya Tirkîye akero pêşkêş bikero.
Wareza yê Rayverê Şarê Kurd Abdullah Ocalanî ard ziwan ke sebebê şer (lej) o ke vilayê çar leteyê welat bîyo tecrîda ser Ocalanî ya û wina dewam kerd: “Ocalan seba no welatî şertanê tewr însanî ano ziwan, mavêna şaran de pirdek o. Hinî ma wazenê ke Ocalan ma mîyan de bo. Tecrîd damûsneno ke dewlet çareserî rê girote ya.
‘Prosesê çareserî de merdişî çinî bî’
Laj xalê Rayverê Şarê Kurdî Mehmet Reşît Ocalanî zî Komployê 15ê Sibate protesto kerd û vist vîrî ke demê prosesê çareserî de ne gerîla, ne lejker, ne zî sivîlî kes nêmerdî. Ocalanî va, xo ra tecrîda dûştê kesekê tepiştî nîna qebûlkerdiş.
‘Ma nêzanê sax o ya zî merde yo’
Waya Ocalanî Ayn Zelîha Ocalanî zî da zonayen ke rîwalê xebernêgirewtişê birayê xo, a nêşkena hewn bikero. Waye Ocalan aşkere kerd ke ê nêzanê birayê ci sax o ya zî merde yo û va, ‘ganî zey keyeyê ci ma û pawitoxê ci eyî ra bişerê pêdiyayişan virazê.’ Ayn Zelîha Ocalan dîyar kerd ke ganî mordem bi emrê homayî bimiro û va, ‘hinî ma nêwazenê kesekî bîro kiştiş.
DÎHABER/RIHA