Sey ke yeno zanayîş qerarê kêmîkerdişê bacan amebî dayîş û no qerar 27ê hezîrana 2017î de rojnameyo fermî de amebî weşênayîş. Serekê Odeya Muhendîsanê Zîretî (ZMO) yê Şûbeya Edene Semîh Karademîrî derheqê babed de qal kerd.
Karademîrî qiseykerdişê xo de wina va: “Bacê gumrukî yo ke se ra 135 ra kewt se ra 26î, goştê heywananê pîlan yê cemednaye se ra 100 yan zî se ra 225 ra kewt se ra 40î, xele se ra 130 ra kewt se ra 45î û gilgil zî se ra 130 ra kewt se ra 25î. Na rewşe de piştî nêdîyena citkaranê welatê ma, dîyena citkaranê teberê welatî. Welatê ma de berardiş kêmî yo. . Wezîrîya Zîretî karê xo nêana ca. Qeraro ke rojnameyo fermî de amebî weşênayîş probleman çareser nêkeno, eksê ci probleman hîna kûr keno.”
Karademîrî tewr peynî wina va: “Rewşa ma mekanîzmaya pîyasa rê menda. Tirkîya hetê toxim, gubre, dermanê erdî, mazot û xeylê çîyan de girêdayeyê teberî ya. Cok ra vayîya dovîzî citkaran ser de tesîrêko pîl virazeno.
ADANA