DENÎZ ÎKE / ANF/AMED
Hemsereka Pêroyî ya Partîya Herêmê Demokratîke (DBP) Salîha Aydenîz polîtîkayê Tirkîya yê Rojhelatê Mîyanênî û îsrarê Tirkîya yê seba îşxalê Îdlîbî ser o qise kerdê.
Hemsereka Pêroyî ya DBPî Salîha Aydenîz vat ke Îqtîdar bi îtîfaqê faîşîstî polîtîkayê dişmenîya kurdan ano ca, semedê krîzan zî na polîtîkayê vera kurdan o, Tirkîya Îdlîb de cergan reyde gêrena, nê cergan seba ke vera kurdan şer bikerê weye kena û wina vat: “Her roje Îdlîb de rewşa ci bena xirabêr la reyna zî şerê xo dewam kena. Semedê nê israrê ci dişmenîya kurdan o.”
Hemsereka Pêroyî ya DBPî Aydenîz bal ant tecrîdî ser o wina dewam kerd: “5 serran ra nata wexto ke tecrîdê vera Birêz Ocalanî xorin bi hêrişê vera îradeyê kurdan zî hîna xorin bîyî. Şer her ca de vila bi, operasyonê qirkerdişî kenê, şaredarîye xesp kenê. Reyna multecîyê Tirkîya zî serebûtanê çetinan ra derbaz benê. Hêrişê înan yeno kerdene û multecîyî vera Ewropa sey hacet yenê xebitnayene.”
Aydenîz tewro peynî wina qedîna: “Wextê şerî de kes nêeşkeno qala demokrasî bikero. AKPyî şerî ra ber çîyêk nêdano şarî. Ganî rêya verêne Tirkîya nê îqtîdarê faşîstî ra xo bixelisno. Rayîrê ney zî tifaqa demokratîk ra derbas bena. Ganî şarê ma bi têkoşînêkê hemparî cepheyê xo yê demokrasîyî awan bikerê.’’