Şerê îqtîdar û polîtîkayan ver her ke şono krîzê ekonomî hîna hîra beno. Krîzê ekonomî tesîrê xo yo tewr zêde bajarê turîstan ser de kerd. Fekê kamcîn esnafê Muglayî biabo, derdê xo ano ziwan û esnafî ameyoxe ra bêomid î.Babete ser o esnafê Mugla qisey kerdî û bale antî referandûmî ser.
Nîhat Koyuncuyo ke 13 serrî yo esnafî keno, qiseykerdişê xo de wina va: “Rewşa welatî polîtîkayê zere û teberî ver zaf xirab o. Ma her wext çîyanê newe cuyenî û ma vanî ‘gelo do ewro se bibo’. Tena turîzmê zere nêeşkeno welatî payan ser de bivindarno. Mîyanê MHPyî de şer esto. Kesê AKPyî daxî vanê nê. Înşallah do referandûmî de nê bivejîyo.”
Netîceyê bêîstîqrarî
Îdarekara otelî Neslîhan Guneşe qiseykerdişê xo de va ‘seba ke rezervasyonî nêbenî, ma nêeşkenî karkeran bigîrî’ û wina domnaye: “Emser wextê karî bi hawayo xirab dest pêkerd. Ma nêzanî se bikerî. Tîya ra pey başîya ekonomî biba zî rewşa ma do baş nêba. Demokrasî nêbo, îstîkrar zî do wina bibo. Ma do referandûmî de nê şîyayîşî rê vajî nê.”
15 serrî yo ma tîya de yî
Donercî Alî Aktaşî zî qiseykerdişê xo de dîyar kerd ke ‘tîya de daxî ma AKPyî ra nêfilîtîyayî’ û xo wina domna: “Dewa ma ameye rijnayîş. 15 serrî yo ke ma ameyî tîya. Ma ne eşkayî bibî hemwelatîyê tîya, ne zî eşkayî şêrî bajarê xo. Krîz zaf kûr o.”
OZGUR AYDIN / ANF / MUGLA