CIVÎN HUSÊN / ROJDA SEYÎDXAN / ANHA /DIRBÊSÎ
Dinya de reya verêne bi nameyê JINWARî de dewêka cinîyan amebî awankerdene û na dewe de xebatê cinîyan dewam kenî. Heta nika seba 30 keyeyan banî virazîyayî. Endamanê Komîteya Awankerdişê dewa JINWARî Rûmet Hevale derheqê xebatan de melumat dayî.
Rûmet Hevale va ‘Destpêkê cuye bi cinîyan bîyo’ û wina domnaye: “JINWAR komel û kulturo tebîî yo. Reyna tîya têkoşînê estena cinîyan o. Tîya bi perspektîfê Rayberê Şarê Kurdî Abdullah Ocalanî ame awankerdene. Cinîyê ke nêwazenî bêamanc bicuyî û îradeya xo nîşan danî, JINWAR de dest bi cuyêka neweyî kerd. Cinîyê ke wazenî bi domananê xo derbazê dewe bibî, estî. Heta nika 12 keyeyî JINWAR de ameyî bicakerdene.”
Rûmet Hevale va ‘JINWAR de nêweşxaneyêk bi nameyê ‘Şîfaya Cinîye’ ame akerdene’ û wina dewam kerde: “Nêweşxane de dermanî bi destê cinîyan yenî xelqkerdene. Reyna Heyva Sor zî destek dana tîya. Mektebê Dayîka Uveyşe de perwerde dewam keno. Ma dewe de firinêk akerd û xizmet danî dewanê dormeyî zî. Reyna werdxane û market zî ameyî akerdene. Cinîyî tîya de tebîet reyde kede danî û ma no het de averşîyayîşêko xurt kerdo. Seba ameyoxî projeyê ma dewam kenî.”