Serokê Konseya Rayeraberdiş ê KCK Murat Karayilan, Rojnamegeranê Tirk ra yew qise kerd.

Va, dest ma de belge Cemaate Fethullah Gûlen estî. Gorê nê belgeyan, Cemaate Gûlen, Kurdîstanî de komîte awakerdî. Bi raye na komîte, ser rayederanê Kurd de cîgereyîş virazenê. Bi raye na Komîte qerar dane ke, kam  bîyero tepiştiş, kam bîyero bê tesîrkerdiş.
No qisekerdişê Karayilan, raye pêron de zaf tesîr kerd. Xirabîyê Cemaat, reyna ame vîrê herkes.
Dima ra zî, nuştê Rojnamegerê Kurd, Bakî Gûl û Cahît Mervan ê ser Cemaat, ANF de ameyê vilakerdiş.
Înan zî va, belge Cemaate Fethullahî dest ma de ye.
Bi vilakerdişê nê nuşteyan, Cemaate Fethullah Gûlen aqil xo ser ra perrena.
Ekrem Dumanlî, Bûlent Korucu, Hûseyîn Gûlercê yê Fethullahî, nûştê hina vila kerd ke hemverê Kurdan û PKK zot û heqeret kerdî.
Nûşteyan de vanî, “Çi yeno kerdiş wa biye ro kerdiş, la wa Kurd û PKK ze hete çare, ze hete rewa-meşru- niyerenê qebûl kerdiş”.
Bi kilmek vanî wa, “Kurd ze qerwaşê-qolê- ma bi manê. Ma serwerê Kurdanî, gera ma çi vajî wa Kurd zî çîyê ma qebul bikerenê. Wa Şarê Kurd bin name Tûrk-Îslam de bibenê Tirk”.
Ver nayê vînayîşê Cemaat, Cemaat , hemverê game ke, Rêberê Şarê Kurd Abdullah Ocalan û PKK  eşto, hemverê na game vejîyenî.
Şer wazenî. Vanî,” Wa Şarê Kurd hem bi şer, hem zî bi qirkerdişa çandî û kulturî biyero qirkerdiş”.
Bi kilmek Cemaat wazeno, ne Şarê Kurd, ne zî Kurdîstan raye erdî de bimano.
Cemaat,  bitamamî hemverê Kurd û PKK dûşmenî keno. Hemverê Kurd û PKK zaf kîndarî keno.
Heme nê Kurdan qirbikero, reyna mird nîbeno.
La Fethullahî,  hete bîn ra zî ver serkewtina Kurd û PKK zaf tersenî.
Çi xirabî esta ardo sere Kurdan, Kurd zî nê muamelê Cemaat weş zanî.
Cemaat terseno û lerzeno vano, “Bena ke, Kurd û PKK qisase xo ma ra bigero”.
Cemaat, zengînîyê Kurdîstan talan keno, Kurdîstan şaleneno.
Zaneno ke, wexto ke, Kurdîstanê ke azad û konfederal ê çar parçê Kurdîstan biyero viraştiş, nîeşkeno o wext Kurdîstan bişaleno. Hete bîn ra zî, xo ra Murat Karayilan û rojnamegeranê Kurd va, “Belge Cemaat Fethullahî dest ma de yo”.
Seyî hina ame vatiş, lerz kewt zerre Cemaatî.
Çi ardo sere Kurdan weş zanî. Wexto ke no plan û kerdişê xirab ê Cemaat,  belgeye ke dest Kurdan de yê, bi no belgeyan biyero eşkere kerdiş, heme zulum, xirabî û teresîyê Cemaat herkes vîneno.
Wexto ke belgeyê Cemaat biyero weşanayîş, Kurdîstan de Cemaatî ra ca nîmeno. Bi eşkera kerdişê xirabî, zulum û teresîyê Cemaate Fethullahî gera merdimê Cemaat û Cemaat biyerenê  mehkeme kerdiş.
Cemaat nê çîyê zî zano, ver na heme çîyan lerzeno.
Fethullah Gûlen zî lerzeno, qisekerdişê xo ê peyînî de êrîş keno ser Erdoxanî zî.
Hina qise keno ke yanî vano “Ey Erdoxan to belge zulum, xirabî û  teresîyê ma da yo PKK”.
Seba nayê çi ameyo vîr û feke Fethullah Gûlen, hemen ne çîyan vato.
Erdoxanî ra vano, “Fîravûn, Nemrut, Bê Terbîyê, Nankor”
Ser da zî erzeno PKK û vano “Ey PKK şima atmosferê Cemaatfobî viraşto”.
Hina asenake ê Cemaat tiya ra pê zaf bilerzo.