DÎCLE EHMED / ZANA SEYDÎ / ANHA / KOBANÊ
Dewa El-Deba ke beldeyê Sirînî yê Kobanê de ya, bi tebîetê xo, darê zeytûnan û hinaran yena zanayene. Dewe de rayîr û awanîyê girdî çin î. Na dewe de dewijî zafane bi masegirîye debara xo kenî. Maseyî ke yenî tepiştene, roşîyenî tucaran û bi mabênkarîya tucaran erşawîyenî bajaranê bînan de roşîyenî.
Masegiran ra yewe zî bi nameyê Emşê Mihemede de yew cinîye ya. Emşê Mihemede 50 serreyî ya, 33 serrî yo ke mêrdeyê xo Ehmed El-Selûmî reyde nê karî kena. Emşê her roje bi qeyaxa xo Çemê Firatî de masegirîye kena. 3 lajê aye vejîyayî teberê welatî û keynayê aye zî zewijîyayî.
Emşê û merdeyê aye pîya qeyaxa xo ra nanê xo qezenç kenî. Her di sere sibayî rew toranê xo erzenî çemî mîyan û dima ra toran kom kenî. Masegirî dîyar kenî ke Çemê Firatî de maseyî kemî bîyî, sebebê ci zî tayê masegirî bi madeya teqayîşî û cereyanî reyde nê karî kenî.