Vera erj û pîrozîyanê Kurdan de her roje hêrişî yenî kerdene. Bitaybetî vera cenaze û goristananê endamanê Tevgerê Azadîye de bêrêzî û îşkence yenî kerdene. Cenazeyî bi aşman nêdîyenî keyeyan yan zî goristananê bêkesan de yenî definkerdene.
Nînan ra yewe zî cenazeya Mucahît Yilmazo ke 21ê Temmuze de qezaya Baglarî ya Amedî de netîceyê sereştişê polîsan de amebi înfazkerdene ya. Cenazeya Yilmazî herçiqas ke teşhîsê ci rewna ameyo kerdene zî, cenaze ancax badê 47 rojan ameye definkerdene.
Keyeyê Yilmazî yo ke nizdîyê di aşman o ke seba girewtişê cenazeya lajê xo xebitîyeno, cenaze Nêweşxaneyê Perwerde û Cigêrayîşî yê Gazî Yaşargîlî yê Amedî ra girewte û berde taxa Zonê ya qezaya Artûklû ya Mêrdînî. Dimayê caardişê wecîbeyanê dînî cenazeya Yilmazî hetê keye û merdimanê ci ra ameye definkerdene.
MÊRDÎN