Cenazeya Endamê Komîteya Merkezî yê YNKyî Adil Muradî ke 18ê Gulane de Almanya de wefat kerdbi, ardî Silêmanî. Seba Adil Muradî Rasteyê Teyaragehî de merasîmêk ameye viraştiş. Cenaze bi marşê ‘Ey raqîb’ ame girewtiş. Serekkomarê Îraqî Fuad Masum, Hetkarê Serekwezîrê Herêma Kurdistanî Kubat Talabanî, Sekreterê Pêroyî yê YNKyî Kosret Resul û xeylê sîyasetmedar û temsîlkarê partîyê sîyasî beşdarê merasîme bîyî. Merasîme de Fuad Masum û Resul qisey kerdî û vilikî ronîyayî tabutê Muradî ser. Cenaze Girê Selîm Begî de ameye definkerdiş. Siba do tazîye bironîyo. ROJNEWS/SILÊMANÎ