Mizgîn Bîlîne (Raperîn Baze) ke 13ê êlule de bi 3 gerîlayanê HPGyî Çewlîg de şehîd bîbî, cenazeya aye wextêkê dergî ra dima Dezgehê Tibî yê Edlî yê Meletî ra ameye girewtene.
Di aşmî yo merdimê Bîlîne semedê girewtişê cenazeya kênaya xo hewl danî, la bi mehneya testê DNA cenaze nêdîyayêne înan. Vizêr keyeyê Mizgîn Bîlîne cenazeya kênaya xo girewte û berde Xarpêt. Polîsan keyeyê Bîlînî tehdît kerd û waşt ke wa ê bi hawayo bêveng cenaze defin bikerî.
Dekewtişê Goristanê Asrî yê Xarpêtî de ke cenazeya Bîlîne tede ameye definkerdene, polîsan nasnameyî kontrol kerdî, tena merdimê nizdî yê Bîlîne girewtî goristanî mîyan û destûr nêda kesê bînî beşdarê merasîme bibî. Merdimanê Mizgîn Bîlîne polîsan rê hêrsê xo nîşan da û vatî ‘merdeyanê ma ra zî tersenê aye ra hêriş kenî, la ê se kenî wa bikerî rixmê heme hêrişanê înan ma wayîrê şehîdanê xo vejîyenê û xeta înan de xoverdayîşê xo xurt kenê’.
Heto bîn ra cenazeya Nurullah Çelîkî (Rizgar Amed) ke 2 embazanê xo reyde Çewlîg de şehîd bibi, qezaya Pasûrî ya Amedî de, cenazeya Îlyas Karakoçî (Baran Amed) ke Amed de şehîd bibi zî dewa Seletî ya qezaya Bismilî ya Amedî de ameye definkerdene.
AMED/ XARPÊT