Hamza Gewda: Hetanê ke raştîya cenîye tarî de bimano do hêriş her tim bidomyo, çimkî ser cenîye manaya negatîf de teda û zilmî est î. No ser zî ganîyo ke problemê çarçiweya perwerdeyî de bêro çareserkerdiş. Her kes bizano ke yew herikyayîşê cuyî ya cenîye esto û no bingeyî de bitêgêrî se do ser cenîye şîdet hêdî hêdî bihawanîyo la no bingeyî yew roje de çareser nêbeno. Yanî no problem yew şermizarî rey de çareser nêbeno. Esas cenîye perwerdeyê reyde bêrê sazkerdiş. Her kes wa raştîya cenîye ra fam bikero û çarçiweya na esase wa têkoşîn bêra dayîş.”
Nurhaq: Ma wesîleya na roje de ser cenîyê hêrişêko barbar û hovane şermizar kenî, nika şaxsê cenîye de ser merdimatîye hêrişêk esto. Ma nê hêrişan ra vanî êdî bes o. Rayver Apo vano ke; ‘Ez mahkumîyeta şarê xo ancena.’ Rayver Apo mahkûmîyeta cenîye û merdimatîye anceno. Ma wesîleya na roje de mahkûmîyeta Rayver Apoyî ra û şaxsê cenîye mahkûmîyeta merdimatî ra vanî êdî bes o.
Ciwan Rojhelat: Rojhîlato Mîyanên de tewro gird ser cenîye şîdet û zilm Kurdistano Vaşûr û Îranî de yeno şuxilnayîş. Îran de ser cenîyan taybetê babeta olî de şîdet yeno şuxilnayîş û cenîyî bi recm yenî qetilkerdiş. Cenîyeke bi recm yenî qetilkerdiş raştîya înan a komelkî esta. No ser zî dewleta Îranî şaxsê cenîye de qirkerdişan şuxilnena. Ganîyo ke dijî no qirkerdişan têkoşîn bêro dayîş. Êdî tena ‘Êdî bes o’ vatiş reyde netîce nîno girewtiş û têkoşîn çiqas bêro berzkerdiş do netîce ona bêro girewtiş. Eyro ser cenîye şîdetêko yeno şuxilnayîş asil ser komela azad de yeno kerdiş. Ameyoxê cenîye, ameyoxê merdimatî û komelkî yo.”
BEHDÎNAN/ANF