Taybetê na hamleyê ra ciwanê Wanî wayîr vejîyenî û ciwanê Wanî na hamleyî ra wayîrvejîyayiş rê veng day. Taybetê di Wanî de na hamleyê ra ciwanan eleqayeke gird mojnenî. Leyla Avci dîyar kerd ke ê bi hamleya ‘Xwedî Derkeve’ de dest pê starta weçînayişî kerdî.
Avci aşkera kerd ke bi na hamleyê xebatê weçînayişê hîna bi hêz kerdî, ê pêroyina Wanî vila bîyê û xebatê weçînayişî aver benî û ê bi hamleya ‘Xwedî Derkeve’ de bi şîara ‘Rayê xo, sindoqê xo û weçînayişê xo ra wayîr vej’ de di waran de xebatê xo aver benî.
Wayîr vejîyenî
Avci aşkera kerd ke hamleya ‘Xwedî Derkeve’ projeyê Rayverê Şarê Kurd Abdullah Ocalanî yo, ê zî bi şîara axê xo, awa xo û têkoşîna xo û kamîya xo wayîr vej de waran ra herikyay, taybetê di na hamleyê de cenîyan rola xo zanenî û waran de zî yeno vînayiş ke ciwanan Rayverî xo ra wayîr vejîyenî.
Avci wina vat: “Ma di navend û qezayê Wanî de Meclîsê Ciwanan û Meclîsê Cenîyan a Azad îlan kerdî. Ma nika di Wanî de çarçiweya hamleya ‘Xwedî Derkeve’ de dest pê xebatê weçînayiş kerdî û ma xebatê xo de yew bi yew banan gêrenî û şarê xo ra vanî; rayê xo, sindoqê xo û weçînayişê xo ra wayîr bivejî. Ma taybetê bi navendî xebatê sindoqê kenî, do hetanê weçînayişê, xebatê ma dewam bikero. Ma do qet destûr nêdî ke rayê ma bêrê tirawitiş la belkî dizdî destî înan ra çi bêro se bikerî la ma dijî nê polîtîkayê lêminî de vergirewtişê xo girewtî.”
Ma benda cenîyan î
Aylîn Çelîk bal ant ser hamleya ‘Xwedî Derkeve’ û rola cenîyan î û wina dewam kerd: “Ma seba wayîrvejîyayişê kultir û ziwanê xo, bi kamîya cenîya azad de di waran de yê. Eke yew serfirazî bibo se na serfirazî, serfirazîya her kesî yo. Ma benda ciwanî ke bêrê rayê xo, sindoqê xo, kamîya xo, partîya xo û Rayverê xo ra wayîr bivejî.”
Hewna Şîlan Soylemez zî destnîşan kerd ke ganîyo ke cenîyan na hamleyê ra wayîr bivejî, çimkî di aşma nîsanî de 22 cenîyê amey qetilkerdişî, ganî di na babetî de ciwanî xebatê hişyarîyê bikerî û ê cenîyan waran dawet kenî, a taybetî cenîyan ra veng dana û vana ke çi heyfo ke her ke şona terteleyê cenîyan zaf bena û dijî nê terteleyan cenîyan na hamleyê ra wayîr bivejî.
Zanîngehan ê ma yî
Wendekarê zanîngehê Huseyîn Bîçer zî ciresna ke armancê înan di taxan de fuhiş ra destûrnêdayiş o û dijî heme gef û girewtişan de şarê hişyarkerdiş o û ê cayeke ca genî xebatê rayvistişî kenî ke hişyarî aver berî û ganîyo ke heme ciwanan taxê xo û malbata xo ra wayîr bivejî û do ciwanan zanîngehan xo bi ameyoxê azad de îdare bikerî.
Sedat Yikin zî aşkera kerd ke ganîyo ke ciwanan zereyê na hamleyê bar bikerî û wina peynî kerd: “Ma ciwanê Kurdistanî, bi ciwanê zanîngehê di tax, komun û zanîngehan de têkoşîna danî ke na hamleyê vila bikerî. Bi nameyê xo, na hamle, hamleyeke rayvistişî yo. Di na hamleyê de ciwan dijî AKP û pergala faşîst de bi ruhê serhildanî têkoşîn danî. Rayverîya na hamleyê ciwanan kenî. Ma wazenî heme nê polîtîkayê AKPî bertaraf bikerî.”
ŞEHRÎBAN ASLAN / JINHA /WAN