Cenîyê dêrsimijî ardîy ziwan ke emserr 8 Adare bi bibo wesîla veradayişê giroteyê nêweş û cenîyan û vengbîyişê zîndanan ra pîroz kenêy. Cenîyê dêrsimijan semedê azadîya giroteyê nêweş û cenîyan û heme zîndanîy veng bibêy ra mûmê xo veşnay û warê Xizirî de waştîy ke heme zîndanîy veng bibêy.
Xoverdêrîy zîndanî
Cenîya bi nameyê Emoş Bakiray ard ziwan ke ewro cenîyê xovedêr û kedkar zîndanan de cuyayişê azadbîyişê xo danêy û wina dewam kerd: “Serra 1938 ra heta ewro zilm cenîyan ser de dewam keno û ewro zî bi destê DAIŞ cenîy yenêy qetilkerdiş bi her hawayî hovîtîya xo meşnenêy. Ma aştî wazenêy. Gedeyê ma semedê aştî xovedayiş danêy. Ziwanê ma ser de zî zextîy estêy. 8 Adare Roja Cenîyê Kedkar yê Dinyayî ya. Ewro kedkarîy zîndanan de yê. Wa zêxtêy gedeyê ma ser de peynî bibêy.” Maya Fadîme zî samîmîyeta dewlete a çareserî ser de vindert û vat: “Eke dewlete û hukûmate aştî wazenêy se lazimo ke zîndanan heme veng bikerêy ke giroteyî heme semedê şatî xoverdayişêy girdan bidêy ke aştî hewna rew bêro.”
Qor ameyo hukumatî
Sevîm Songul zî mayê dêrsimijan ra yew a. Ay zî qala wezîfeyê AKPî kerd û vat: “Gedeyê ma wezîfeyê xo heta ney gamî ardêy ca. Qor ameyo wezîfeyê AKPî. Lazimo ke AKP bi qanûnan biratî û aştîyî bîyaro ca.” Maya bi nameyê Nûrcan zî ard ziwan ke wa dewlete ageyrayişê dewan ser de bivindero, ê bi sûkan de perşînan bîyê û dewêy înan veşnay, cenîy amey veşnayiş û tecawizkerdiş, lazimo ke cenîy 8 Adare de bêrêy pêhet û lazimo ke ney ra pey hukûmat gaman bierzo. Elîf Mete zî bala merdiman ant qetilkerdişê cenîyan ser û dewam kerd: “Ewro mêrdeyî qetil kenêy û dewlete zî înan pawena. Ma veng danêy warêy xo yê pîroz kenêy û ma înan ra dûa kenêy kewa aştî û aramîyî bîyarê.” Fîdan Yildirim zî herî peynî wina qedîna: “8 Adare de wa hemeyî semedê mafêy cenîyan bipawê ra xoverdayiş bidî.”
ANF/DERSÎM