‘Dewreya Perwerdehîya Vîyan Peyman’ qedîya û cenekîy semedo ke xebat bikerêy jûbînan ra xatir waştîy
Akademîya Yekîtîya Star şaristanê Rimelan de aşmeke verî dest pêkerdbi. 24 cenekîy bi nameyê ‘Dewreya Perwerdehîya Vîyan Peyman’ bi coşeke gird perwedehîya xo qedînay. Cenîkêy ke şaredarîyê Qantona Cizîrî de xebat kerdêy beşdarê na perwedehî bîy. Mijarêy perwerdeheyî; tarîxî ra heta hunerî, kultirî ra heta îdeolojîyî û cuyayişî heme mijarîy amey niqaşkerdiş û vînayiş. Cenîyan bandora ke perwerdehî înan ser de kerdbi ardî ziwan.
‘Cuyayişê finak’
Endama Merkeza Ekolojîyê Lîna Xalî bandora ke perwerdehî ay ser de ternayo kerd û wina dewamî da: “Raşteyî de derheqê cenekan de ez zaf çîyan mûsawa. Civatî de senî do xebat bêrokerdişî ez mûsawa. Raşteya Rayverî min vîna. Min fam kerd ke cuyayişê ke komînal heme probleman ra derman o. No tewr cuyayişî min xo ra finak giroto. Cuyayişê xo de ez do bîyarê ca.”
Cenî gerek bibedilyê
Endama Partîya Çep û endama meclîsa şaredarîyî Sorgul Mistefa zî qala perwerdehî kerd û vina vat: “Lazimo ke heme cenekîy beşdarê perwerdehî biberêy ke bedilyayiş û averaşîyişî bicuyê. Hetê bînî de cuyayişî de pratîka perwerdehî viraştiş û caardiş zaf muhîm o. Bi no hawayî cenekîy hewna weş û geş şikyenê û do bişikyê vengê xo berz bikerêy û biresnê zaf cayan.”
Mijarî ser de endama Lijneya Raybertîya Şaredarîya Dirbesîye Xalîya Ehmed zî perwerdehî ra wina qise kerd: “Çîyê ke kuno ma milan semedê azadîya cenekan heme tewr xebatan viraştiş û şopnayiş o. Eke civatî de cenek azad nîya se, a civatî de azadî çîno.”
Paradîgma esas o
Xalîya veng da mayan ke lazimo heme mayî domanêy xo perwerde bikerêy û wina qedîna: “Kes eger bi nirxêy civata xo qîmet bidero xo û dormeyê xo, kar û barê xo goreya paradîgmayê civatî bikero û bi komîntî cuyayiş bibo se serkewtişîy pey ra pey do rêz bibêy. Xopawiyayişî de zî do mohra xo bierzêy lejkereyî bin.”
Peynî de cenekan siwend û soza xebatkerdişê civatî day jûbînan û her yewirî verê xo day cayê xebatkerdişê xo.