Azaya Serva Haştî, Hewldayîşê Cenîyan BÎKG Ozlem Gunduz hayr ant xoverdayîşê cenîyan ser û wina vat: “Kurdistan de cenî zey wijdanî yê. Nayî ra zey hedef yenê nîşandayîş. Çike cenî rolê xoverdayîş û têkoşînî girewta ser milê xo. Lazim o dewlete fek no konseptê şerî ra virado.”
Hemvervatoxa HDK ê Îzmîrî Dîlan Akpolat ciresna ke şarê kurdî mîyanê xoverdayîşekî gird de yo. Akpolat va: “Tîya de cenîyê ke cuye awan kenî û rayberîya xoverdayîşî kenî, benî hedefê dewlete. Erjê ma yê tewr gird cenî yî û ma no semedî ra vanî ke cenî cu ya. Dewlet her tim hêrişê erjê tewr muhîm kena.”
Domanî pîzeyê ma ya xo de kişenê
Aktivîst Zuhal Çelebî dîyar kerd ke xorayîrberdiş heqê şaran o û wina vat: “Eyro domanî pîzeyê dayîka xo de kişenê û vanî ‘ma terorîst kişt’. Kamî domanê ke pîzeyê maya xo de yo kişt? Şima nêşkenî bi qetlîaman şarê Kurdî biqedînê.”
Dustê herbî vinderê
Azaya KJA Safîye Tunç zî vist vîrî ke na mesele-persgirêk tena persgirêka Kurdan nê, yê heme şaran a. Şero ke yeno cuyayîş, tena Kurdistan’î de nîyo. Lazim o heme cenî dustê-dijî no herbî-şerî vinderî.”
ÎZMÎR - DÎHA