Rêberê Şarê Kurd A.Ocalan, seba persa Kurd, hete demokrasî û sîyasî de çare bibo, Newroza Amed de yew gama tarîxî eşt.

Hemenê cîhan, mesaje  A.Ocalan ê Newroza Amed  goştarîkerd.
No mesaj  tesîrek zaf gird viraşt. Nika pêvajo kem û tayî averşino.
La   hem  tayî kese ê zerre AKP  hem zî partîyê bîn û tayî hêzên çete, ze Çete Hîzbul-Kontra na game ra qayîl nîyê.
Bi teybet Çete Hîzbul-Kontra zaf kayek xirab kaykenî.
Nîmûnê nê êrîşan zangehê Dîcle ya.
Seyî vercû, Hîzbul-Kontra, pê sator û kard welatparêze Kurd kiştinê, zangehê Dîcle de zî eynî gurî kerd.
Polîsê Otuken verenîye de Hîzbul-Kontra pê polîs de, dest înan de sator, kard, qirase vanî Allahuuuu Ekber!
Pê şîyarê Homa yê erîşkenî. La qurbanê homa yê bibinê.
Eleqê Çete Hîzbul-Kontra û Homa yê çîno. Duşmenê Homa yê.
Vanî, “Rehmetullah PKK”!
No şîyar yeno  çi manê? Kes ser weş nîvinda.
Şarê Kurdê vanê, “PKK Şarê Kurd o, Şarê Kurd Tîya yo”.
Xo ra ewro temsîlkarê şarê Kurd, PKK’ya. Ne Şarê Kurd PKK ra cîya beno ne zî PKK Şarê Kurd ra cîya bena.  PKK û Şarê Kurd yew keye yê.
Heme kes na raştî qebul keno.
La Çete Hîzbul-Kontra pê şîyarê “Rehmettullah PKK” vanî “Bimir Şarê Kurd”.
Heta nika tebere Çete Hîzbul-Kontra, yew kes zî Şarê Kurd ra nîvato, “Bimir Şarê Kurd”.
Çîyo ke Çete Hîzbul-Kontra kenî dûşmenîyê Şarê Kurdê ya.
Eleqê nê çeteyan ne Îslam ra esta ne zî Şarê Kurdê ra esta.
Çîyê ke şermo Çete Hîzbul-Kontra vanî, “Bimir Şarê Kurd” zerrê bajarî ra heta Zangeh Dîcle pê lenga şinî.
Gera Şarê Kurd ser na biyayîş zaf bivindero.
Gera Şarê Kurd ser na êrîş û şîyarê ke Çete Hîzbul-Konta eştî bivindero, niverdo reyna çîyê hina bikerenê.
Şermo diyîn weş nîbeno. Gera yew Kurd zî rey nîbido Çete Hîzbul-Kontra.