Çewlig û qezayanê ci de 19 heremî amey ‘qedexe’ kerdin. ‘Qedexe’ yo ke 6 qezayan de 5ê Çile de dest kerd ci, heta didi hefte rameno.
Goreyê fermanê walitî, Navendê sûk ra piya qezayanê Azarpêrt, Darahênê, Kanîreş, Bongilan, Xolxol de 19 mintiqayî zey cayê ‘qedexe’ amey îlankerdin. Goreyê no fermanî welatijî nêşkenê şirê nê hereman. Bi na ‘qedexe’ ra piya, weşiya welatijan bin taloke de ya. Herzewbîn welatijê ke hêgayê xo ramenê û karê heywancitî kenê mexdûr benê.
Bongilan de qeymeqam qoriciyê newî wazeno
Heta bîn ra, qezaya Çewlig Bongilan de, çarçoveyê herbî de, hewildayenê wezîfedarkerdişê qoriciyê newî ramenê. Qeymeqamê Bongilan aşkere kerd ke, 70 qoriciyê dew yê newî dê bîrê wezîfedarkerdin.
Goreyê qeymeqamtî 14 dewanê zey; Arslanbeylî, Bozkanat, Demîrkapi, Duzagaç, Elmasirti, Gelîntepe, Kale, Kirik, Mûrat, Oymapinar, Sukyan, Sulunkaş, Tarhan, û Yenîbaşak de 70 qoricî yenê giroten.
NAVENDÊ XEBERAN
Çewlig de 2 kesî tepişiyay
Çewlig de 2ê Çile de azayanê DEM-GENÇ waştî operasyonê îmha yê dewlet protesto bikerê. Gencê ke kuçeyê Genç de are bî hayr antî qetlîamê Sûr, Cizîr, Sîlopî yê dewlet ser. La polîsan bi guleyanê plastîk, bi bombeyanê gaz û îsot eşt nûmayişkaran ser û 10 kesî girot bin çiman. Kesê ke amey binçimkerdin, raştê îşkence amey.
Binçiman de îşkence
Bidê girotişê îfade, welatijê bi nameyê Sozdar Acar û Baran Aydin amey giroten, kesê bînî serbest viradiyay. Pawitoxê kesê ke amey binçimkerdin Omer Farûk Hulaku da zonayene ke, kesê ke amey binçimkerdin, pêrokînî raştê îşkence ameyê. Hulaku vist vîrî ke, 10 kesî hetê polîsan amey derbkerdin, pirnikê tayînan şikiyayî.
DÎHA/ÇEWLIG