Na hadîse ra dime zangehê Çewlig destpa cigêyrayiş kerd. Goreyê zangehê Çewlig, na sîyasmên/kemerasmen wet ke kewte atmosfer, o wext biya lete. Tewr girdayiya enê meteoran kî 20 mîlîmetro yo.
Badê zangehê Çewligî, îdareyê fezayî û asmenî yê neteweyî (NASA) kî dest eşt na biyayiş.
Şahidê biyayiş behsa hadîse keno
Wexto ke biyayiş teze qewimî dewijanê Sariçîçek bihayê nêzaney. Wexto ke dewijan bihayê kemerî pêheşênay, o wext kewtî dimê sîyasmênî. Dewijan ra Mehmet Nezîh Ergun, o ke bi şahidê kewtişê sîyasmên ina behsê biyayiş kerd: Mi çé xo de televîzyon temaşe kerd. Mi penceré ra qayt kerd, ebi vengî ra piya, roştîye koyt-kewt zerre. Dimera mi vaz da balqone. Min qayt kerd asmén werdî bî kéwe. Peycoy asmén bî riproştî. Ergunî şodir dewican ra aşnawite ke ‘asmên ra kemerî waray.
Yew gramê kemerî 60 dolar o
Şahidê biyayişî Ergun ano ziwan ke, werdî-verikîn îynan erjayê kemerî-sî nêzanay û nî zonayişî day: Heta nika ma nezdiyê 20 sîyasmenî dîye/daye zangehê Çewlig. Nika zî dewijî pey kemerasmênan de geyrenê/cêrenê. Çi ke jew/yo gramekê nî kemeran 60 dolar o. Coka dewicî gegane şewe taba feneran kemerî gerené, noné xo nî kemeran de wecené”.
Ronişteyê dewî Îsmaîl Ergun ju leteyé kemerî 15 dolarî de roto û 6 hezar deynê xo ebe nî peran ra dayo. Ergunî dima xelyek/xeylê kemerê bînî kî arekerdî/topkerdî û jew leteyê ci ebi 50 dolarî rotî Amerîqayij û Almanan. Ebi nî pereyan cî xo rê erebeya bihayê ci 43 hezarî ya girot.
Goreyê zonayişan tayê mordeman cî ebi pereyanê kemerî xo rê çê/keye girotî.
Dinya de teyna 20 reyî hadîseyê ina qewimîyayî
Doç. Dr. yê zangeha Estembolî Ozan Unsalanî aşkere kerd ke hetanî nika biyayişê ina/niya dewa Sariçiçekî ra piya dinya de 20 reyî biyo. Unsalanî da zonayiş ke, heta nika dewa Sariçiçekî de îynan nezdiyê 13 kîlo lêteyê kemerasmên topkerdê. Heta nika leteyê tewr gird ronişteyan ra Hasan Beldekî dî yo. La rexmê nayî kî eyî rê 350 hezar amê dayen la Beldekî no pere qebûl nîkerd.
Heta bîn ra ekîbê midûriyetê dara/maliye yê Çewlig zî dewa Sariçîçekî de cigêrayiş kerd. Peycoy aşkere kerd ke îy semedê/serva sîyasmen bacî birnenê. La dewijan vatî ma emel nîkenê ke, bac bîro dayen.
NALÎN MARA / ÇEWLIG