Badê rêxistinanê tarî yê zey Jîtem, Hîzbul-qontra û tarîqatan, nika zî çeteyê DAİŞ hewl danê Çewlig semedê xo açarnê zey hêlik-hêlîn.
Badê hadîseyê DAİŞ yê Semsûr û Amed’î, nika zî çimî açarniyay Çewlig ser.
26’é aşma teşrîna verînde (Mijdar) Amed de 7 azayê DAÎŞ amey kîştene. Nînan ra 5’ê ci Çewlig ra bî. Na hadîse-biyayişê ra dima çimî na reynî açarîyayî Çewlîg ser.
Teşkîlatê ‘herdîşan’
Goreyê îdiayan, çeteyê DAÎŞ’î Çewlîg de ebi nameyê ‘herdîşan’ yené şilasnayen û xo tenzîm kenê.
Goreyê vatenanê Çewlîgijan, nî çeteyê DAÎŞ‘î yew ‘keyéçay’î de kom-are bené. No keyéçaye navendê-merkezê sûk de, ser ceddeyê Înönu de ro. Çeteyê DAİŞ zewbîn zî cayanê bînan de zî are benê. Nî bînan re cî vané ‘medrese’. Mualimê-mamosteye nînan seré dînî terraqe-kombiyayin dano. Sıddık Bunul, o ke Amed de merd, ey cî-zî nî cayan de gureyinî ramitî. La, rexmo ke, dewlet gureyînê nê çeteyan zana, la destê xo nêdana û çimanê xo gêna.
Dewlet çimanê xo gêna
Zangehê Çewlig ra, ardimkarê Doç. Dr. Mehmet Kurt aşkere keno ke, Çewlig de, azayê DAİŞ zaf estê. Seyî ke Semsûr de zey ‘dokumacılar’ xo tenzîm kenê, Çewlig de zî zey ‘sakallılar’ xo tenzîm kenê. Çewligijî zî înan nas kenê. Eke bacarî de, herkes silasneno se, dewlet bi xo zî rind silasnena. Kurt ano ziwan ke Çewlig de cîhadîstê Selefîzmî bingeyê xo eşto.