Çewlîg, reyna adir  kerd  zerre ma. Zerre ma veşeno. Aqil sere ma ra perreno. Ma sekenî, ma nîeşkenî vîra biker. Ma wazenî yew deqîqê vîr bikerenê, la reyna yeno vîre ma.

La, ma seyî vîr biker. Eke, ma wayîrê vîjdanî,ma seyî vîr kenî. Ma seyî hedîse bênamûsî û tecawiz ê Çewlîg vîr kenî.
Welatê ma de eskerê dişmenî yenî, tecawizê keyna ma kenî. Ver cû tecawizê welatê ma kenî, ma bêveng manênî. Tecawizê ziwanê ma kenî, ma bêveng manênî. Tecawizê awanê ma kenî, ma bêveng manênî. Tecawizê dar û berê ma kenî, ma bêveng manênî. Tecawizê heme heqanê ma kenî, ma reyna bêveng manênî. Tecawizê cîranê ma kenî, ma reyna bêveng manênî.
Hina seyî bena! Hina seyî bena!
Hele bajarê ze Çewlîg, vajo, “Mi ser yew dîndar çîno. Mi ser yew girêdayê dînê Îslam çîno”.
La, wayîrê namûs û şerefe xo nîvejo.
Zerre Çewlîg de 8 eskerê bênamûs  ê Tirk, tecawize qijê ma a keyna kenî. La teberê welatparêzanê PAK(BDP), yew kesek yew qise nîkeno. Teberê welatparêzanê Partîya Aşîtî û Demokrasî yew kes xoveradayîş nîkeno, meş nîkeno.  La Fîlîstînî de, Çeçenîstan de, Moro de  çîyek hina bibenê ê Şarê Çewlîg qiyamet rakerdenê. Wexto kî, nê cayan de çîyek beno, Şarê Çewlîg vejîyeno meydan vano “Tekbîr, Allahu Ekber” qereno û qereno.  La, tayî Çewlîgij nayî zî bes nîvenenî, şinî Çeçenîstan de, Iraq de, Surîye de şer kenî, vanî, “Ma seba namûs, Îslam” şer kenî. Vanî, “Ma seba Dînê Îslam cîhad kenî”. No seyî cîhad o?
Welatê înan, bin linganê Romê Bêbextî da yo. Hemverê Tirkê dagirker şer nîkenî. Eskerê bênamûs ê Tirk, tecawizê keyna înan kenî, hemverê Tirkê dagirker şer nîkenî.
Hetê kî bîn ra zî, keynayê xo teslîmê eskerê bênamûs û tecawizkar ê Tirk kenî, eskerê Tirk zî tecawizê keyna înan kenî. Mehkemê Tirk zî, eskerê tecawizkar serbest veredanî. Werti de nî heq, nî edalet esto. Serbest veredayîşê eskerê bênamûs û tecawizkar yeno çi manê?
Eskerê Bênamûs vanî, “Ma her roj tecawizê şima û keynayê şima kenî, şima nîeşkenî çîyek zî vajenê”. Vanî, “Ma hine kenî, gera şima zî wayîrê şeref û namûsê xo nîvejîyenê. Gera şima bênamûsî asenî(normal) bivînenê. Gera şima teslîmê ma bibenê”.
Pê nê bênamûsî wazenî, ma zî bêşeref û bênamûsî de biciwiyî. Mehkeme eskerê tecawizkar serbest veredana,pê nê  bênamûsî, mesaje kî hina danî esker û polîsê xo û vanî, “Şima ra heme çî serbesto. Şima eşkenî hemverê Şarê Kurd heme tewirî bênamûsî bikerê”. Dişmenê dagirker hina keno. La tayî Çewlîgij estî vanî ma dîndarê heqîqî ê Îslamî, eyê sekenî?
Eyê zî şinî, Surîye de seba dewlata kî  bênamûs û tecawizkarî kena, seba ayî  şer kenî.
Eskerê bênamûs û tecawizkar tecawizê keyna ma kenî.
Eyê şinî, reyê xo danî Teyîp Erdoxan. Eyê şinî, keynayê xo danî ver destê Fetullah Gulen. Eyê şinî, beşdarê Olîmpîyatê Ziwanê Tirkî benî. Eskerê dewlet tecawîzê keynayê înan û ma kenî.La yew kesê nayê mûnafikan, wayîrê keynayê xo û  namûsê xo nîvejîyeno.
Gera Şarê Çewlîg, tiya ra  pê raştîyê înan bivîno.  
Yew vateyê verênan ma esta. Vanî, “Dinya pêro dişmenê zerencî yo, zerenc zî dişmenê xo yo”.
Heme dinya dişmenê ma Kirdano. La gera ma zî dişmenê xo nîbibi. Heme dagirker dişmenê ma Kirdan o. Zafe Kirdê Çewlîg, destek danî Tayîb Erdoxan û Fetullah Gûlenî.
Şarê Çewlîg hêdî hêdî şiyar beno. Xoveradayîş zî keno. Vîneno kî, Tayîb çi malo. Fetullah zî çi malo.
Şarê Çewlîg, hetkarê Tayîb û Fetullahî sey verênan ma vato û hina vîneno,”Merdimo bêesl kokê  xo ra remeno”.Eyê kî, kewtî pê Tayîb û Fetullah, sey  no vatişê verênan ma de esto, êynî hinaw o.
Şarê Çewlîg ê welatparêz, rastiyê xo zî vîneno û sey verênan ma vato, “Xo bizanê kî, şar zî to bizano”.
Şarê Çewlîg, hêdî xo weş şinasneno. Neyarê xo, hetkarê neyarê xo zî weş şinasneno.