Banê DBP de pê yew eşkerakerdişî xespkerdişê şaredarîyanê DBP rê nêrazîbiyayiş miyejîya ra. Eşkerakerdiş de eleqa ûnciya destseranayîşê îradeyî şarî ser û vaciya ke şarê Kurd hetûn êr çî ko ûnayin qowil nêkerd, êr ra tepiya zî qowil nêken.
Îdarekaranê DBP û HDP şaredarîyê ke raştê qeyûmî amey de aliqnayîşê alayê tirk rê zî hêrsê xo arde zûn. Eşkerakerdiş de ardîya zûne ke, bin nameyê OHALî de qetlîamê demokrasî û hiqûqî beno. Hûnca hayr ancîya şaredarîyê ke hetê şarî ra vijîyay (weçînîyay), senî hetê hukumetê AKP ra çarîyay qereqolan ser û vacîya ke şaredarîyê DBP pê se ra 70-95 reyana vecîyay û 100 ra zêdîyer şaredarî qezenc kerdî. No zî miyejneno ra ke DBP îradeyê şarî temsîl kena.
Eşkerakerdiş de eleqa ûnciya vatişê 'ê ke pê vîjnayîşî amey têna pê vîjnayîşî eşkenî şiyerî' ê hukumetê AKP zî ser û vacîya ke AKP pê qeyûma hêna di rîyinê xo miyet ra. Peynîyê eşkerakerdişî de vacîya ke şar bê vijnayenanê xo çoyna nêsarisneno û tekoşîn re dewam keno.
ÇEWLIG