Qezaya Cizîrî ya Şirnexî de polîtîkayê bi taybet yenî şuxilnayiş, demê peynî qeza de hedîseyê fuhuş û tiryakî yenî cuyayiş. Qeza de kafeyê ke yenî akerdiş heme nêzdê AKPî yanî endamê Egîtîm Bîr Senî yê. Nê kafeyan de zî taybetî muzîkê nijadperest danê goşdaritiş, misal ‘Ez seba to mirina Tirkîya’ nê kafeyan de zî qiseyê Kurdî qedexe yê.
Xebatkarê kafeyî vanî ke wayîrê kafeyî qiseyê Kurdî qedexe kerdo. Xebatkaran muşterîyê ke Kurdî çik bipersî nêçare Tirkî cewab danê. Demo ke muşterî israrê bi Kurdî biko no dem bê vengî de Kurdî qise kenê.
Muşterîyê bi weçînîte
Xebatkarê kafeyî wina vat: “Taybetî kafeyî ra polîs û karmendî yenî, demo ke yew embazê ma bi Kurdî qise biko, bi lezî muşterî ya zî wayîrê kafeyî hîşyar keno. Patron vano; ewta de muşteyê ma yê bi weçînîte estê û ê zî Kurdî ra nêrehet ê.” Kafeyî ke Kurdî yenî qisekerdiş ra zî polîsan her roj zilm kenî û ceza birnenê. Armancê polîsan qefelnayişê nê kafeyan ê.
MA/ŞIRNEX