Pê rampa fûzeyan, tanqan û topan hêrişa Kurdîstan-Kobanê kena. Tabî kî  gerîla pê çekanê şenikan xo ver ro dano. Malesef Kantona Kobanê de herbo giran bê edalet dewam keno. Raya Pêro Dinya vehşetî DAIŞ tena temaşe kena. Kî wayerê DAIŞ'a keftar est î, destêk danî ey.

Dinya zî bêveng a. Çi heyfo ke DAIŞ zî Kobanê ser kontrolî xo roj bi roj zedê kena.Tersa qetlîaman ver, nî roj ma est o, nî zî şewa ma. Ma şaro kurd na dades serranê peyênan El-Enfal ra, qirqina Helepce ra, Roboskî reyde qirqirina Şengale ra, ma zanî ke dişmen newe yew tirajedî dim gereno.
Dişmeno har DAIŞ, saya hetkaran xo (Tirkîya,Suîdî...Qatar) zitirnaya êdî zift nêbena. Ma zanî prosesî nayan o yo ku kurdan qir bikêrî. Erdnîgarîya kurdan dagir bîkêrî. Hemînê qezencî kurdan binpey bikêrî. Ayera kurd wazeno yew korîdor ya bibo. Kurd, bi peranî xo çek wazeno, qerqeşûn wazeno.
Herbî Kobanê de oxro fambî. Yarî kurd tena kurd o. Şaro kurd no nusîbet ra hedî-hedî beno yew, pêreseno. Ewro, bê kurdo nêyar her kurd şerwanan xo dero.
Kene û xortî kurdan her herunîya Kurdîstan ra ameyê Kobanê, destêk danî yewbînan, gera kurdo nêyar îbret ragero. Kî her yewe înan ma rê bîyo sembolî biratî. Nê ciwanî ewro bîyê sembola tifaqa kurdan.
Ayera her kurd şervanan xo ser, gera rastîya Kurdîstan bivîno. Heto bîn ra gera her kurd hez bido rayeber û sîyasîyan zî. Çi heyfo ke Rojhelato Mîyanên de bê tiraq, bê xo ver ro dayenê şar sitare nêbeno. Ewro roja tifaq a.
Heger ewro ciwanî ma ameyê têhet xortî kurdan verbi rampafûze û tanqan pê çekanê şenikan ganî xo keno sîper, xîret kenî se gera her kurd keye xo de kolane de hendêk xîretkar bo.
Oxro, nê şerwanî kurd pê no xo ver ro dayenê dîroka kurdan de nameyê xo pê herfanê zerînan nuşt, nusenî. Nê roja giran de ciwanan ma verbi dişmena har him şero bi hempa kenê him zî paya danî şarî ma. Nêy hîm welatî xo pawenî mudafayo meşru kenî.
Him zî dagirkeran ra vanî Kurdîstan bêwayer nîyo. Û sero de zî merdîmahî rê xîzmet kenî. Rumetî merdimahî xelisnenî la hef ke bêvengîya Dinya mojnena merdimahî nêmenda. Çend roj verê Raya Pêro Dinya qirqirina kurden Şengal de zi bêveng mendbî. Çi heyfo ke wijdanî tayînan,(merdim nayan ra nêşikeno vajo merdim) teslîmî hovîtîya DAIŞ bîya.
Lişî peran çimî sermîyandaran keno tarî. Çi heyfo ke wijjdanî tayînan bîyo kese peran. Nayan hîna çend roj verê, hêrişa DAIŞ, ya Şengal, Kerkuk, Celavla û Mexmur nîdî ke ewro Kobanê bivîn.
Wazene bî firokan netîce bîgerî. Bes nîyo, DAIŞ zift nêbena, hele pê firokan rêk zift nêbena. Ez keso bêveng nalet kena.

Mistafa ŞAHÎN