Komeleya Hetkarîye û Piştîdayîşî ya Ocaxê Aguçanî aşma Muharremî ver Çimeyanê Muzirî yê Pulurî de ke seba şarî jîyarge yo, aşûre vila kerde. Pê qazikan aşûre ameye pewtene û pê duayanê pîranê Ocaxê Ağucanî ameye vilakerdene.
Îdarekarê Komeleya Hetkarîye û Paştdayîşî ya Ocaxê Aguçanî Înanç Dolûyî dîyar kerd ke ê her serre cayanê cîya-cîyayan de loqmeyê aşûre vila kenî, emser zî înan bitaybeti waşt ke Çimeyanê Muzirî de vila bikerê û wina va: “Jîyargeyê ma cayê ma yê pîroz î. Maden yan zî çîyêko bîn nêno qebulkerdene. Ganî herkes bizano ke jîyargeyê ma, nîşangehê ma û ocaxê ma pêro parçeyê tebîetê ma yê. Aye ra ma emser waşt ke loqmeyê aşûre tîya de Çimeyanê Muzirî de vila bikerê.”
DÊRSIM